Qańtardaǵy jappai tártipsizdikter boiynsha 58 jáne terrorizm aktilerimen 8 qylmystyq is bar. Bul týraly QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Bas prokýratýra qańtar oqiǵalaryna bailanysty qylmystyq isterdi tergeý barysy týraly habarlaýdy jalǵastyrýda. Qiratýlar, memlekettik obektilerdi órteý, múlikterdi joiý jáne terrorizm aktileri Almaty, Shymkent qalalarynda, Aqtóbe, Atyraý, Almaty, Jambyl, Qyzylorda jáne Shyǵys Qazaqstan oblystarynda jasalǵany belgili. Sol qaiǵyly kúnderi qylmyskerler áskerilerge shabýyl jasap, joldyń júrý bóligin jaýyp, avtokólikterdi órtep, azamattardy tártipsizdikterge qatysýǵa kóndirgen jáne tonaýlar jasaǵan», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, qoǵamdyq qaýipsizdik pen quqyqtyq tártipti qamtamasyz etýdi buǵattaý úshin olar politsiia organdarynyń ǵimarattaryna shabýyldar jasady.
«Búgingi kúni arnaiy prokýrorlardyń is júrgizýinde jappai tártipsizdikter boiynsha 58 jáne terrorizm aktilerimen 8 qylmystyq is bar. Aiaqtalýyna qarai ister sotqa joldanýda», - dedi Bas prokýratýra ókili.
