© AP Photo / Vladimir Tretyakov
Prezident Qasym-Jomart Toqaev raqymshylyq jasaý týraly zańǵa qol qoidy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysy "Raqymshylyq jasaý týraly" Qazaqstan Respýblikasynyń Zańyna qol qoidy", - delingen qujat mátininde.
Eske salaiyq, Prezident 1 qyrkúiektegi Joldaýynda qańtar oqiǵasyna qatysqandarǵa bir rettik raqymshylyq jariialaý týraly sheshim qabyldaǵanyn aitqan bolatyn.
"Biz adamgershilik tanyta otyryp, osy qaiǵyly oqiǵadan tiisti qorytyndy jasaimyz. Mundai jaǵdai endi eshqashan qaitalanbaidy. Buǵan jol bermeimiz", - degen edi Toqaev.
Aita keteiik, amnistiia jalpy alǵanda 1500-dei adamdy qamtidy.
Zańǵa sáikes, teris qylyq, aýyrlyǵy tómen jáne ortasha qylmys jasaǵandar jazadan tolyq bosatylady. Al jazasyn ótep shyqqandardan sottylyq alynady. Budan bólek, aýyr jáne asa aýyr qylmystardy jasaǵandarǵa jaza merzimin qysqartý kózdelgen. Eger sottalǵan adamnyń jazany óteý merzimi bir jyldan az bolsa, onda ol tolyq bosatylady.
Al terrorister, ekstremister, retsidivister, adamdy azaptaǵandar, tártipsizdikterdi uiymdastyrýshylar men memleketke opasyzdyq jasaǵandar raqymshylyqqa ilinbeidi.
