Prezident Qasym-Jomart Toqaev qańtar oqiǵasyna 20 myń terrorist qatysqany týraly buryn jariialanǵan aqparatqa pikir bildirdi, - dep habarlaidy Tengrinews.kz.
"20 myńǵa kelsek, bul kórsetkishti quqyq qorǵaý organdarynyń burynǵy basshylary keltirgen, bul búkil elge qatysty. 13 qalada bir mezgilde qoǵamdyq tártipti buzý maqsatynda bilikke qarsy bandittik shabýyldar jasalǵanyn bilesizder. Qazir 5,5 myń qylmystyq is qozǵaldy, 500 qylmystyq is sotqa joldandy", - dedi Prezident.
Qasym-Jomart Toqaev bar bolǵany 23 adam naqty qamaý jazasyna tartylǵanyn atap ótti.
"Bul - biz osy qaiǵyly isti óte muqiiat zerttep jatqanymyzdy kórsetedi. Joǵaryda aitqanymdai, elde qaiǵyly qańtar qaitalanbaitynyna senimdimiz. Al onyń kepili - búgingi referendým. Tiisti sabaq aldyq", - dep qosty Memleket basshysy.
