Qańtar oqiǵasy kezinde Almaty oblysy Taldyqorǵan qalasynda jappai tártipsizdik qalai uiymdastyrylǵany belgili boldy, - dep habarlaidy Tengrinews.kz.
Bas prokýratýranyń birinshi qyzmet bastyǵynyń orynbasary Eldos Qilymjanovtyń sózinshe, 4 qańtarda Almaty oblysynda A. jáne jeke adamǵa qarsy qylmysy úshin sotty bolǵan S. esimdi adamdar qiratý, múlikterdi joiý jáne bilik ókilderine qarsy kúsh qoldanýdy uiymdastyrǵany týraly aldyn ala sóz bailasqan.
"5 qańtarda bul adamdar áleýmettik jeli arqyly Taldyqorǵandaǵy shaǵynaýdanda 400 adamdy jinap, sol jerde olarǵa oblys ákimdigin basyp alý úshin nusqaý bergen. Sodan keiin uiymdasqan top ortalyq alańǵa qarai júrip, jol boiynda qoldaryna tas alyp, metall kesindilermen qarýlanǵan. Aressiv top qolda bar quraldardyń kómegimen politsiia qorshaýyn buzyp, oblys ákimdiginiń ǵimaratyn órtedi. Olar toqtamai topqa taǵy 500 adamdy qosyp alyp, barlyǵy Taldyqorǵandaǵy politsiia ǵimaratyn basyp alýǵa bardy. Ǵimarat 80 paiyzǵa joiyldy", - Bas prokýratýranyń birinshi qyzmet bastyǵynyń orynbasary Eldos Qilymjanov OKQ brifinginde.
