Bas prokýratýra qańtardaǵy tártipsizdikte Shymkent ákimdigine jasalǵan shabýyldyń jai-japsaryn jariialady, - dep habarlaidy Tengrinews.kz agenttigi.
"5-6 qańtarǵa qaraǵan túni Shymkent qalasy ákimdiginiń ǵimaratyna qarýly shabýyl bastaldy. Qoǵamdyq tártipti saqtaýǵa, úsh myńnan astam adamnyń agressivti shabýylyna tosqaýyl qoiýǵa politsiia qyzmetkerleri shyqty. Shabýylǵa shyǵýshylardyń kópshiliginde atys qarýlary boldy. Al politsiia qyzmetkerleri tek rezeńke oqtar men jaryq-shý granatalaryn qoldandy", - dep habarlady Bas prokýratýranyń birinshi qyzmet bastyǵynyń orynbasary Eldos Qilymjanov OKQ brifinginde.
Onyń aitýynsha, úsh qarýly shabýyl men qyzmetkerlerdiń ómirine qaýip tóngennen keiin ǵana politsiia atys qarýyn qoldaný týraly sheshim qabyldaǵan. Nátijesinde 20 shabýylshy óltirilgen.
