Qasym-Jomart Toqaevqa elimizdegi kriminogendik ahýal, sondai-aq qańtar oqiǵasy kezinde jasalǵan qylmystardy tergeý isi, kinálilerdi anyqtaý jáne jaýapkershilikke tartý boiynsha júrgizilip jatqan jumystar jóninde baiandaldy, dep habarlaidy Aqorda.
Sonymen qatar tonalǵan qarýdy zańsyz ainalymnan qaitaryp alý boiynsha jumys júrgizilýde.
Memleket basshysyna ishki ister organdarynyń qyzmetin jetildirý boiynsha júzege asyrylyp jatqan sharalar týraly aqparat berildi.
Sonyń ishinde politsiia jumysyn baǵalaý júiesin qaita qaraý, biýrokratiiany joiý, sotqa deiingi is júrgizý protsesin ońtailandyrý, sondai-aq zańdylyqty qamtamasyz etý jáne azamattardyń quqyqtaryn qorǵaýdy kúsheitý sharalary týraly aityldy.
Marat Ahmetjanov sybailas jemqorlyqqa qarsy saiasatty iske asyrýdaǵy jańa tásilder, mamandarmen jumys isteýdiń tiimdiligin arttyrý, tsifrlandyrý esebinen meritokratiia qaǵidattaryn jáne protsessterdiń ashyqtyǵyn qamtamasyz etý jóninde baiandady.
Sonymen qatar Memleket basshysyna qylmystyq-atqarý júiesin jańǵyrtý, quqyqtyq tártipti jáne sottalǵandar otyratyn jáidi jaqsartý jáne olardy qaita áleýmettendirý jóninde aqparat berildi.
Kezdesý qorytyndysy boiynsha Prezident ministrge elimizdegi quqyqtyq tártiptiń deńgeiin odan ári arttyrý, ishki ister organdarynyń qyzmetin servistik modelge ótkizý boiynsha birqatar tapsyrma berdi.
