Qańtardaǵy jappai tártipsizdikter kezinde urlanǵan qarýlardy izdep tabý jumysy júrip jatyr, dep habarlaidy QazAqparat.
«Jappai tártipsizdikter kezinde qyzmettik jáne azamattyq qarýlar urlandy. Bul azamattardyń ómirine qaýip tóndiretini belgili. Osy oraida politseiler urlanǵan qarýlardy izdep tabý jumysyn jalǵastyryp jatyr. Sonymen qatar zańsyz ainalymdaǵy qarýlardy tárkileý boiynsha belsendi jumys júrýde. Búgingi kúnge deiin shuǵyl profilaktikalyq keshendi is-sharalar barysynda 3 364 dana qarý jáne 55 myńnan asa oq-dári alyndy», - dedi QR IIM Tergeý departamentiniń bastyǵy Sanjar Ádilov Ortalyq kommýnikatsiialar qyzmeti alańynda ótken baspasóz máslihatynda.
Tergeý departamenti basshysynyń málimetinshe, alynǵan 934 qarý jappai tártipsizdikter kezinde urlanǵan.
«Tek sońǵy aida 645 dana qarý zańsyz ainalymnan alyndy. Onyń kóbisiniń nómiri óshirilgen. Kriminalistikalyq zertteý qorytyndysy boiynsha 20 dana qarý «qańtar oqiǵasy» kezinde urlanǵan bolyp shyqty», - deidi ol.
Sondai-aq spiker urlanǵan qarýlardy izdeý sharasy jalǵasyp jatqanyn aitty.
