"Qazaqstan halqyna" qory qańtar oqiǵasy kezinde zardap shekken azamattarǵa aqshalai tólemderdi aýdarýdy jalǵastyryp jatyr, - dep habarlaidy Tengrinews.kz tilshisi vedomstvoǵa silteme jasap.
Qorǵa qańtar oqiǵasy kezinde zardap shekken azamattardyń naqtylanǵan tizimi kelip túsken.
"Qor qaitys bolǵan 13 azamattyń otbasy múshelerine aqshalai tólemder jiberdi, olardyń jazataiym qurban ekenin quzyrly organ rastady.
Sondai-aq, qańtar oqiǵasy kezinde aýyr jaraqat alǵan 2 balanyń ata-anasyna aqshalai kómek kórsetildi. Bir bala oq jaýǵan kólikte otbasymen birge, al ekinshi bala oq atylǵan kólikte ákesimen birge bolǵan. Tólemder zardap shekken balalar týraly málimetter túskennen keiin júrgizildi. Bul sanattaǵy jábirlenýshilerge joldanǵan jalpy tólem somasy 97 million teńge", - delingen habarlamada.
