Qyzylorda oblysynyń ákimi Gúlshara Ábdiqalyqovany beibit mitingige kelgen adamdarmen kelissózder júrgizý kezinde buzaqy top qolǵa túsirmek boldy, - dep habarlaidy Tengrinews.kz tilshisi Qyzylorda oblysy politsiia departamentiniń baspasóz qyzmetine silteme jasap.
"Aray City Mall saýda úiiniń aldyna jinalǵan sherýshilermen kezdesýge Qyzylorda oblysynyń ákimi Gúlshara Ábdiqalyqova keldi. Alaida kelissózder nátije bermedi. Jinalǵandar eshteńe tyńdaǵysy kelmedi, ádepsiz sózder aitty, túrli áreketter jasady. Oblys ákimi kólikke mingen kezde ony ustaýǵa buzaqy top áreket jasady. Ol Politsiia departamentiniń arnaiy bólimsheleriniń kúshimen evakýatsiialandy", - dep habarlady vedomstvonyń baspasóz qyzmeti.
5-6 qańtarda Qyzylorda oblysynda bolǵan tártipsizdikter kezinde basqynshylar on jeti memlekettik mekeme men jiyrma bir jeke sektor sýbektilerine shabýyl jasaǵan. Bul rette olar 65 kólikti órtep, 80 kólikti búldirip, ekeýin urlap ketken.
"Qaqtyǵys kezinde 58 politsiia qyzmetkeri men 52 sarbaz túrli dárejede jaraqat aldy. Oblystyq meditsinalyq ortalyqtyń máiithanasynan 6 búlikshiniń máiiti urlandy", - dedi politseiler.
