Úkimdi Astana qalasynyń qylmystyq ister jónindegi aýdanaralyq sotynyń sýdiasy shyǵardy. Ol aýyr zardaptarǵa ákep soqqan bilikti asyra paidalandy dep aiyptalǵan (QR QK 362-babynyń 4-bóligi).
Bul is "QUPIIa" degen belgimen kináni moiyndaý nysanynda is júrgizý kelisimimen kelip tústi. Sondyqtan onyń qaralýy jabyq sot otyrysynda ótti.
Qylmysyn moiyndap, ókingen Turǵymbaev sot úkimimen QK 362-babynyń 4-bóliginde kózdelgen qylmysty jasaǵany úshin kináli dep tanylyp, 10 jylǵa belgili bir laýazymdardy atqarý quqyǵynan aiyryla otyryp, 5 jylǵa bas bostandyǵynan aiyryldy.
Oǵan sybailas jemqorlyq qylmys belgilerinsiz aiyp taǵylǵandyqtan, QK 63-baby negizinde taǵaiyndalǵan jazany shartty dep sanaý týraly sheshildi.
