Foto ashyq derekkózden alyndy
Bas prokýror Berik Asylov májilistiń jalpy otyrysynda burynǵy qorǵanys ministri Murat Bektanov qańtar oqiǵasy kezinde zańsyz buiryq bergenin málimdedi, dep habarlaidy Sputnik Qazaqstan.
Onyń aitýynsha, áskeri sotta burynǵy qorǵanys ministri Bektanovtyń isi boiynsha tyńdaýlar jalǵasyp jatyr.
"Tergeý ol tótenshe jaǵdai kezinde zańsyz buiryqtar berip, strategiialyq nysandardy áskerilerdiń qorǵaýynsyz qaldyrǵan dep esepteidi. Burynǵy qorǵanys ministri eldegi konstitýtsiialyq tártipti qalpyna keltirý sharalaryn qabyldamaǵan", - dedi Berik Asylov.
Bas prokýror tártipsizdikke qatysýshylardyń sany Almatyda áldeqaida basym bolǵanyn atap ótti. Olar qorshaýdy buzyp, politsiia men Ulttyq ulannyń kúshterin janshyp, halyqty úreilendirgen.
"Sonyń saldarynan adamdar qylmyskerlerdiń qolynan qaza tapty, qalalar tonaldy jáne órtke orandy. Sondyqtan Bektanov urys jaǵdaiynda bilikti asyra paidalandy (Qylmystyq kodekstiń 451-babynyń 3-bóligi) dep aiyptalyp otyr. Onyń áreketine qatysty quqyqtyq baǵa berý men jaza sharasyn sot anyqtaidy", - dep túiindedi ol.
