Foto: KTK.kz
Qairat Qudaibergenge 8 jyl túrme jazasy kesildi. Sondai-aq oǵan qoǵamdyq qyzmetpen ainalysýǵa tyiym salyndy jáne ol "Qurmet" ordeninen aiyryldy.
Rýslan Ysqakovqa 15,5 jyl jazasy kesildi. Sondai aq memlekettik qyzmette laýazymdardy atqarýǵa tyiym salynyp, nagradalardan aiyrylady. Ol qańtar oqiǵalary kezinde Dikii Armannyń úilestirýshisi dep atalǵan edi.
"Dikii Arman" laqap atymen tanylǵan Arman Jumageldievke 20 jylǵa bas bostandyǵynan aiyrý jazasy berildi. Oǵan qoǵamdyq-saiasi qyzmetpen ainalysýǵa tyiym salyndy. Dikii Armanǵa tártipsizdikterdi uiymdastyrý jáne oǵan qatysý, atys qarýyn urlaý, ony zańsyz satyp alý nemese saqtaý jáne adamdardy bas bostandyǵynan aiyrý aiyby taǵylǵan.
"Qalaýlym" baǵdarlamasy arqyly tanylǵan Berdah Beketov 7 jylǵa sottaldy. Ol qańtardaǵy tártipsizdikke qatysqany úshin aiypty dep tanyldy. Sot ony birneshe bap boiynsha sottady. Berdah Beketov - qańtar oqiǵasy kezinde jappai tártipsizdikter uiymdastyrdy dep aiyptalǵan. Politsiia ony 2022 jyldyń 22 qańtarynda kóshede ustaǵan edi.
