Senat depýtaty Vladimir Volkov qańtar oqiǵasy boiynsha qansha adam raqymshylyqqa ilinetinin aitty, - dep habarlaidy Tengrinews.kz agenttigi.
Volkovtyń aitýynsha, 1,5 myńǵa jýyq adam raqymshylyqqa ilingen.
"Búginde qańtar oqiǵasy boiynsha sottalǵan 1112 adamnyń 128-i ǵana bas bostandyǵynan aiyryldy. Zań qabyldanǵannan keiin 40-tan asa adam, aldaǵy jarty jylda 50-ge jýyq adam qylmystyq jaýapkershilikten jáne jazadan bosatylady", - dedi Vladimir Volkov.
Senator sottalǵandarǵa raqymshylyq jasaý týraly túpkilikti sheshimdi sot ár adam úshin jeke qabyldaitynyn basa aitty.
"Aýyr qylmys jasaǵan 363 adamǵa qatysty (tergelip jatqan jáne sotta qaralǵan ister boiynsha) jaza taǵaiyndaý kezinde raqymshylyq qoldanylady", - dedi senator.
