QR Bas prokýrory Berik Asylov Májilistiń jalpy otyrsynda qańtar oqiǵasy kezinde qaza tapqan 230 adamnyń derekterin aitty, dep habarlaidy QazAqparat.
«El boiynsha barlyǵy 230 adam qaza tapty, onyń ishinde 19 áskeri jáne kúsh qurylymdary qyzmetkeri bar. Almaty qalasynda eń kóp adam qaza tapty, olardyń sany – 139 adam.
Búgingi tańda ákimshilik ǵimarattardyń shabýylyna toitarys berý kezinde jáne quqyq tártibin júrgizý barysynda 86 shabýyldaýshynyń kózi joiylǵany anyqtaldy.
Qaitys bolǵan 53 adamnyń óliminiń mán-jaiy anyqtalýda. Olar qala aýmaǵynda túrli jaraqattarmen, sonyń ishinde 48 oq jaraqatymen, 2 pyshaq jaraqatymen tabyldy, 3 adamnyń denesinen basqa kúiik jáne basqa jaraqattar anyqtaldy», - dedi Berik Asylov «Jańa Qazaqstan» depýtattyq tobynyń saýalyna bergen aýyzsha jaýabynda.
Sondai-aq, ol quqyq qorǵaý kúshteri basqa 7 óńirde ákimshilik, politsiia jáne UQK departamenti ǵimarattaryn qorǵaý kezinde 63 shabýyldaýshynyń kózin joiǵanyn aitty.
«Búgingi tańda biz 20 azamattyń atysqa kezdeisoq tap bolyp, qaitys bolǵany týraly naqty bilemiz. Onyń 11-i Almaty qalasynda, 8-i Almaty oblysynda jáne bireýi Taraz qalasynda.
Olardyń ishinde qiratýshylardyń qolynan qaza tapqandar, sondai-aq blok-beketterde áskeri talaptarǵa baǵynbaǵandar da bar», - dedi Bas prokýror.
