Qańtar oqiǵasy boiynsha Almaty oblysynda 384 qylmystyq is tirkeldi, - dep habarlaidy QazAqparat.
Almaty oblysynda qańtardaǵy jappai tártipsizdik kezinde qamaýǵa alynǵandarǵa zańǵa qaishy áreketterge barý, iaǵni azaptaý deregi boiynsha 37 qylmystyq is qozǵalyp tergelýde.
Sondai-aq tergeý jáne ýaqytsha ustaý izoliatorynan 33 adam bosatyldy. Onyń ishinde 8 kámeletke tolmaǵan bala bar. Jalpy qańtar oqiǵasynda 758 adam zardap shekti. Onyń 643-i politsiia qyzmetkeri, 78-i áskeriler, 37-si beibit turǵyn. 8 ǵimarat, 68 kólik qiratyldy, 7 kólik tolyǵymen órtenip ketti. Qańtar oqiǵasy boiynsha barlyǵy 384 qylmystyq is tirkeldi. Adam óltirý deregi boiynsha 5 is qozǵalyp, úsh is politsiia departamentiniń óndirisinde. Urlyq deregi boiynsha 158 is tirkelip, 88 is ashyldy. Oblystyq politsiia departamenti men qalalyq politsiia basqarmasy ǵimaratynan 512 qarý qoldy boldy.
«QR QK 287 babyna sáikes, egerde ózinde qazirgi kezde zańsyz saqtaǵan qarýdy sol tulǵa bizge óz áreketimen kelip tapsyratyn bolsa, qylmystyq jaýapkershilikten bosatylady», - dedi Almaty oblystyq politsiia departamenti tergeý basqarmasynyń bastyǵy Rýslan Charapiev.
