«Qańtar oqiǵasy» boiynsha 1 350 adamǵa qatysty 673 is sotqa jiberildi. Bul týraly OKQ alańynda ótken baspasóz máslihatynda aityldy, dep habarlaidy "Ult aqparat" El.kz aqparattyq agenttigine silteme jasap.
Bas prokýratýranyń Qylmystyq qýdalaý qyzmeti bastyǵynyń orynbasary Eldos Qilymjanov quqyqtyq qorǵaý organdary barlyǵy 5 myńnan astam qylmystyq isti tirkegenin málim etti.
«Tergeý kezeńinde 4,5 myń saraptamalyq zertteýler júrgizildi. Jappai tártipsizdikterge qatysý jáne uiymdastyrý faktisi boiynsha 131 sotqa deiingi tergep-tekserý tirkelgen. Osy qylmystardy jasaǵany úshin 931 adam kúdikti dep tanyldy, 96 adam qamaýda, 471 adam sottaldy. Tergeý barysynda beibit azamattar men politseilerge qatysty zorlyq-zombylyq jasaý úshin improvizatsiialanǵan quraldardy uiymdastyrylǵan tasymaldaý júzege asyrylǵandyǵy anyqtaldy. Mysaly armatýra, taiaq, tósenish, tastar men ǵimaratty órteý úshin jáne avtokólikterdi órteýge benzin jetkizgen. 5 qańtardyń bir kúninde saǵat 6.00-den 23.00-ge deiin Almaty qalasyndaǵy ǵimarattarǵa: qala ákimdigine, Rezidentsiiaǵa, áýejaiǵa, «Habar», «Qazaqstan», «Mir 24» telearnalarynyń keńselerine jáne Quqyqtyq statistika jáne arnaiy esepke alý komitetiniń basqarmasy ǵimaratyna shabýyl jasaldy», – dedi Qilymjanov.
Budan bólek ol Shymkent qalasynda qala ákimdiginiń ǵimaraty, kórme ortalyǵy, teatr basqa da ǵimarattar zaqymdalǵanyn atap ótti.
Al Taraz qalasynda oblys jáne qala ákimdiginiń, politsiia jáne Ulttyq qaýipsizdik komiteti departamentteriniń, qalalyq bólimder men politsiia basqarmasynyń ǵimarattary zaqymdanǵan.
Taldyqorǵan qalasynda oblys jáne qala ákimdikteriniń, oblys ákiminiń rezidentsiiasy, politsiia men Ulttyq qaýipsizdik komiteti departamentteri, qalalyq bólimder men politsiia basqarmalarynyń ǵimarattary zaqymdalyp, basyp alyndy.
Qyzylorda qalasynda qalalyq politsiia basqarmasynyń ǵimaratyna qarýly shabýyldar jasalyp, oblystyq jáne qalalyq sottardyń ǵimarattary basyp alynyp, órtelgen.
Basqa qalalarda 1 466 ǵimarat pen mekeme qirady, onyń ishinde 1 395 biznes nysany jáne 71 memlekettik mekeme bar. Tótenshe jaǵdai, politsiia, jedel járdem basqa da memlekettik qyzmetkerlerdiń 345 qyzmettik avtokóligi jáne 116 azamattyq avtokólik joiylyp, zardap shekti. 16 meditsina, 34 órtke qarsy qyzmet jáne 8 qutqarý qyzmetiniń qyzmetkerleri dene jaraqatyn aldy. Qylmyskerler beibit turǵyndardy úgittep, taksi jáne avtobýs júrgizýshileriniń jolyn jaýyp tastaýǵa májbúrledi.
«Urlyq faktisi boiynsha 2645 sotqa deiingi tergep-tekserý tirkeldi. Osy qylmys úshin 484 tulǵa kúdikti dep tanylyp, 2 adam qamaýǵa jáne 460 adam sottaldy. Tonaý faktisi Almatyda oryn aldy. Birqatar dúkender jelisi jáne saýda ǵimarat nysany tonalǵandyǵy anyqtaldy. Taldyqorǵanda da jáne Jetisý qalasynda da mundai jaǵdai tirkeldi. Qylmystyq árekettiń saldarynan biznes sýbektilerine 92 mlrd.teńge somasynda zalal keldi.
Qarýdy urlaý jáne saqtaý faktisi boiynsha 519 sotqa deiingi tergep-tekserý júrgizildi. Bul qylmys úshin 183 tulǵa kúdikti dep tanylyp, 11 adam qamaýǵa jáne 154 adam sottaldy. Onyń ishinde 27-si bas bostandyǵynan aiyryldy. Sondai-aq, 10 ańshylyq dúkeni tonaldy. Atalǵan jerden 1672 myltyq, 1288 qyzmettik qarý urlandy. Osy kólemniń úshten biri nemese 958 birligi tabyldy, al 2 myńnan astam onyń ishinde, granata, myltyq, avtomattar men atqyshtar áli kúnge deiin tabylmai jatyr. Qarýdy erikti túrde tapsyrý boiynsha jumys júrýde. Azamattar boiynsha barlyǵy 119 birlik tapsyryldy. Bul qarý qylmyskerlerdiń qolynda bolýy múmkin», – dedi Bas prokýratýranyń Qylmystyq qýdalaý qyzmeti bastyǵynyń orynbasary.
Jalpy «qańtar oqiǵalary» boiynsha 1 350 adamǵa qatysty 673 is sotqa jiberildi, onyń ishinde 1 113 azamat sottaldy jáne 315 adamǵa qatysty 127 qylmystyq is tergeý satysynda.
