«قاڭتار وقيعاسى» بويىنشا 1 350 ادامعا قاتىستى 673 ٸس سوتقا جٸبەرٸلدٸ. بۇل تۋرالى وكق الاڭىندا ٶتكەن باسپاسٶز مەسليحاتىندا ايتىلدى, دەپ حابارلايدى "ۇلت اقپارات" El.kz اقپاراتتىق اگەنتتٸگٸنە سٸلتەمە جاساپ.
باس پروكۋراتۋرانىڭ قىلمىستىق قۋدالاۋ قىزمەتٸ باستىعىنىڭ ورىنباسارى ەلدوس قيلىمجانوۆ قۇقىقتىق قورعاۋ ورگاندارى بارلىعى 5 مىڭنان استام قىلمىستىق ٸستٸ تٸركەگەنٸن مەلٸم ەتتٸ.
«تەرگەۋ كەزەڭٸندە 4,5 مىڭ ساراپتامالىق زەرتتەۋلەر جٷرگٸزٸلدٸ. جاپپاي تەرتٸپسٸزدٸكتەرگە قاتىسۋ جەنە ۇيىمداستىرۋ فاكتٸسٸ بويىنشا 131 سوتقا دەيٸنگٸ تەرگەپ-تەكسەرۋ تٸركەلگەن. وسى قىلمىستاردى جاساعانى ٷشٸن 931 ادام كٷدٸكتٸ دەپ تانىلدى, 96 ادام قاماۋدا, 471 ادام سوتتالدى. تەرگەۋ بارىسىندا بەيبٸت ازاماتتار مەن پوليتسەيلەرگە قاتىستى زورلىق-زومبىلىق جاساۋ ٷشٸن يمپروۆيزاتسييالانعان قۇرالداردى ۇيىمداستىرىلعان تاسىمالداۋ جٷزەگە اسىرىلعاندىعى انىقتالدى. مىسالى ارماتۋرا, تاياق, تٶسەنٸش, تاستار مەن عيماراتتى ٶرتەۋ ٷشٸن جەنە اۆتوكٶلٸكتەردٸ ٶرتەۋگە بەنزين جەتكٸزگەن. 5 قاڭتاردىڭ بٸر كٷنٸندە ساعات 6.00-دەن 23.00-گە دەيٸن الماتى قالاسىنداعى عيماراتتارعا: قالا ەكٸمدٸگٸنە, رەزيدەنتسيياعا, ەۋەجايعا, «حابار», «قازاقستان», «مير 24» تەلەارنالارىنىڭ كەڭسەلەرٸنە جەنە قۇقىقتىق ستاتيستيكا جەنە ارنايى ەسەپكە الۋ كوميتەتٸنٸڭ باسقارماسى عيماراتىنا شابۋىل جاسالدى», – دەدٸ قيلىمجانوۆ.
بۇدان بٶلەك ول شىمكەنت قالاسىندا قالا ەكٸمدٸگٸنٸڭ عيماراتى, كٶرمە ورتالىعى, تەاتر باسقا دا عيماراتتار زاقىمدالعانىن اتاپ ٶتتٸ.
ال تاراز قالاسىندا وبلىس جەنە قالا ەكٸمدٸگٸنٸڭ, پوليتسييا جەنە ۇلتتىق قاۋٸپسٸزدٸك كوميتەتٸ دەپارتامەنتتەرٸنٸڭ, قالالىق بٶلٸمدەر مەن پوليتسييا باسقارماسىنىڭ عيماراتتارى زاقىمدانعان.
تالدىقورعان قالاسىندا وبلىس جەنە قالا ەكٸمدٸكتەرٸنٸڭ, وبلىس ەكٸمٸنٸڭ رەزيدەنتسيياسى, پوليتسييا مەن ۇلتتىق قاۋٸپسٸزدٸك كوميتەتٸ دەپارتامەنتتەرٸ, قالالىق بٶلٸمدەر مەن پوليتسييا باسقارمالارىنىڭ عيماراتتارى زاقىمدالىپ, باسىپ الىندى.
قىزىلوردا قالاسىندا قالالىق پوليتسييا باسقارماسىنىڭ عيماراتىنا قارۋلى شابۋىلدار جاسالىپ, وبلىستىق جەنە قالالىق سوتتاردىڭ عيماراتتارى باسىپ الىنىپ, ٶرتەلگەن.
باسقا قالالاردا 1 466 عيمارات پەن مەكەمە قيرادى, ونىڭ ٸشٸندە 1 395 بيزنەس نىسانى جەنە 71 مەملەكەتتٸك مەكەمە بار. تٶتەنشە جاعداي, پوليتسييا, جەدەل جەردەم باسقا دا مەملەكەتتٸك قىزمەتكەرلەردٸڭ 345 قىزمەتتٸك اۆتوكٶلٸگٸ جەنە 116 ازاماتتىق اۆتوكٶلٸك جويىلىپ, زارداپ شەكتٸ. 16 مەديتسينا, 34 ٶرتكە قارسى قىزمەت جەنە 8 قۇتقارۋ قىزمەتٸنٸڭ قىزمەتكەرلەرٸ دەنە جاراقاتىن الدى. قىلمىسكەرلەر بەيبٸت تۇرعىنداردى ٷگٸتتەپ, تاكسي جەنە اۆتوبۋس جٷرگٸزۋشٸلەرٸنٸڭ جولىن جاۋىپ تاستاۋعا مەجبٷرلەدٸ.
«ۇرلىق فاكتٸسٸ بويىنشا 2645 سوتقا دەيٸنگٸ تەرگەپ-تەكسەرۋ تٸركەلدٸ. وسى قىلمىس ٷشٸن 484 تۇلعا كٷدٸكتٸ دەپ تانىلىپ, 2 ادام قاماۋعا جەنە 460 ادام سوتتالدى. توناۋ فاكتٸسٸ الماتىدا ورىن الدى. بٸرقاتار دٷكەندەر جەلٸسٸ جەنە ساۋدا عيمارات نىسانى تونالعاندىعى انىقتالدى. تالدىقورعاندا دا جەنە جەتٸسۋ قالاسىندا دا مۇنداي جاعداي تٸركەلدٸ. قىلمىستىق ەرەكەتتٸڭ سالدارىنان بيزنەس سۋبەكتٸلەرٸنە 92 ملرد.تەڭگە سوماسىندا زالال كەلدٸ.
قارۋدى ۇرلاۋ جەنە ساقتاۋ فاكتٸسٸ بويىنشا 519 سوتقا دەيٸنگٸ تەرگەپ-تەكسەرۋ جٷرگٸزٸلدٸ. بۇل قىلمىس ٷشٸن 183 تۇلعا كٷدٸكتٸ دەپ تانىلىپ, 11 ادام قاماۋعا جەنە 154 ادام سوتتالدى. ونىڭ ٸشٸندە 27-سٸ باس بوستاندىعىنان ايىرىلدى. سونداي-اق, 10 اڭشىلىق دٷكەنٸ تونالدى. اتالعان جەردەن 1672 مىلتىق, 1288 قىزمەتتٸك قارۋ ۇرلاندى. وسى كٶلەمنٸڭ ٷشتەن بٸرٸ نەمەسە 958 بٸرلٸگٸ تابىلدى, ال 2 مىڭنان استام ونىڭ ٸشٸندە, گراناتا, مىلتىق, اۆتوماتتار مەن اتقىشتار ەلٸ كٷنگە دەيٸن تابىلماي جاتىر. قارۋدى ەرٸكتٸ تٷردە تاپسىرۋ بويىنشا جۇمىس جٷرۋدە. ازاماتتار بويىنشا بارلىعى 119 بٸرلٸك تاپسىرىلدى. بۇل قارۋ قىلمىسكەرلەردٸڭ قولىندا بولۋى مٷمكٸن», – دەدٸ باس پروكۋراتۋرانىڭ قىلمىستىق قۋدالاۋ قىزمەتٸ باستىعىنىڭ ورىنباسارى.
جالپى «قاڭتار وقيعالارى» بويىنشا 1 350 ادامعا قاتىستى 673 ٸس سوتقا جٸبەرٸلدٸ, ونىڭ ٸشٸندە 1 113 ازامات سوتتالدى جەنە 315 ادامعا قاتىستى 127 قىلمىستىق ٸس تەرگەۋ ساتىسىندا.
