Biyl qańtarda bolǵan jappai tártipsizdikterge qatysty 16 myńnan astam adamnan jaýap alyndy. Bul týraly QR IIM Tergeý departamentiniń bastyǵy Sanjar Ádilov málim etti, dep habarlaidy QazAqparat.
«Qazirgi tańda ishki ister organdarynyń tergeýshileri «qańtar oqiǵasyna» qatysty qylmystyq isterdi tergeýdi aiaqtap jatyr. Oǵan qatysty 16 myńnan astam adamnan jaýap alynyp, 3 myńnan astam saraptama júrgizildi. Shamamen 350 mln teńgeni quraityn urlanǵan múlik tárkilendi. 1125 qylmystyq is óndirispen aiaqtaldy. Onyń ishinde 629 adamǵa qatysty qylmystyq is sotqa jiberildi», - dedi Sanjar Ádilov Ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, qańtardaǵy jappai tártipsizdikterdi tergeýmen arnaiy prokýrorlar ainalysyp jatyr.
«Búgingi tańda 579 adam sottaldy. Onyń 462-si bas bostandyǵynan aiyrýdy kózdemeitin jazaǵa kesildi. Aýyr jáne asa aýyr qylmys jasaǵan 117 adam naqty merzimge bas bostandyǵynan aiyryldy. Sonymen qatar 14 sottalýshyǵa qatysty taraptardyń tatýlasýyna bailanysty qylmystyq is toqtatyldy», - deidi ol.
