«Nur Otan» partiiasynyń kezekten tys HHI sezinde QR Prezidenti Qasym-Jomart Toqaev qańtar qasiretinen sabaq alýdyń mańyzdylyǵyna toqtaldy, dep habarlaidy QazAqparat.
«Qańtardyń alǵashqy kúnderinde Qazaqstan salmaqty silkinisti bastan ótkerdi. Biz konstitýtsiialyq tártipti, memleket negizderin, eldiń tutastyǵyn, halyq birligin buzýǵa jáne saiyp kelgende, bilikti basyp alýǵa baǵyttalǵan, muqiiat josparlanǵan shabýylǵa tap boldyq», - dedi Memleket basshysy.
Prezidenttiń aitýynsha, el azamattarynyń uiymshyldyǵynyń, yntymaǵynyń, batyldyǵynyń, sanalylyǵynyń arqasynda memlekettiń kúireýin boldyrmai, qazirgiden de kóp qantógiske jol berilmegen.
«Qasiretti qańtar» biz úshin Táýelsizdik jyldaryndaǵy eń aýyr synaq boldy. Biz qoǵamnyń kemeldigi men memlekettiń aýqattylyǵy synaǵyn sátti tapsyrdyq. Biraq biz osy oqiǵalardyń búkil sebepteri men saldaryn tereń taldaýymyz kerek. Bastan keshken tragediiadan qajetti sabaqtardyń bárin alýymyz kerek», - dedi Prezident.
