Májilis depýtaty Fahreddin Qarataev eldegi qant tapshylyǵyn sheshý jolyn usyndy, dep habarlaidy Sputnik Qazaqstan.
Aitýynsha, Ulttyq statistika biýrosynyń málimetinshe, 2022 jylǵy 7 maýsymdaǵy jaǵdai boiynsha elde áleýmettik mańyzy bar azyq-túlik 19,9%-ke qymbattaǵan. Onyń ishinde jyl basynan bergi kezeńde qant baǵasy 61%-ke ósip otyr.
"Osydan tórt ai buryn bastalǵan qant máselesi halyq arasynda áli dúrbeleń týdyryp otyr. Óitkeni qant baǵasy sharyqtap, 1 kelisi 600-900 teńge aralyǵynda satylýda. Onyń ústine qant tapshy, kez kelgen dúkennen taba almaisyz, tek belgili bir saýda oryndarynda ǵana satylyp jatyr. Osynyń saldarynan qant tutynatyn otandyq ónim óndiretin konditerlik shaǵyn kásipkerlerdi aitpaǵanda, iri kásipkerlerdiń ózi jabylýda. Mundai áleýmettik mańyzy bar azyq-túlik baǵasy budan ári óse berse, el arasynda úlken daý-damaiǵa ainalýy múmkin", - dedi Qarataev premer-ministrdiń birinshi orynbasary Roman Skliarǵa joldaǵan depýtattyq saýalynda.
Aitýynsha, búginde respýblikanyń qantqa jyldyq qajettiligi orta eseppen 550-600 myń tonnany quraidy. Bul ai saiyn orta eseppen 45 myń tonna. Al óz elimizde qanttyń tek 10 paiyzy ǵana ónidiriledi, qalǵany importtalady.
"Memleket tarapynan berilgen tariftik jeńildik boiynsha 350 myń tonna qant ákelinedi. Degenmen de, jeńildik boiynsha shet elden qantty tasmaldaityn kásipkerlerge elge alyp kelýge 4 ai berilip otyr. Bul ol óte az merzim. Óitkeni álemdegi ekonomikalyq túrli sanktsiialarǵa bailanysty barlyq logistika boiynsha porttar jáne taǵy basqa kólikter bos emes. Onyń ústine elimizdegi bankterdiń shet elmen jumys isteý úshin qarjy operatsiialary uzaqqa sozylýda", - dedi májilismen.
Osyǵan orai, depýtattar otandyq tasmaldaýshy kásipkerlerdi qoldaý maqsatynda qant tasymaldaý merzimin 6 aiǵa deiin uzartýdy usyndy.
Sonymen qatar qanttyń jyldyq qajettiligin eskerip, tariftik jeńildikti 550-600 myń tonnaǵa deiin arttyrýdy oryndy dep sanaidy.
