مەجٸلٸس دەپۋتاتى فاحرەددين قاراتاەۆ ەلدەگٸ قانت تاپشىلىعىن شەشۋ جولىن ۇسىندى, دەپ حابارلايدى Sputnik قازاقستان.
ايتۋىنشا, ۇلتتىق ستاتيستيكا بيۋروسىنىڭ مەلٸمەتٸنشە, 2022 جىلعى 7 ماۋسىمداعى جاعداي بويىنشا ەلدە ەلەۋمەتتٸك ماڭىزى بار ازىق-تٷلٸك 19,9%-كە قىمباتتاعان. ونىڭ ٸشٸندە جىل باسىنان بەرگٸ كەزەڭدە قانت باعاسى 61%-كە ٶسٸپ وتىر.
"وسىدان تٶرت اي بۇرىن باستالعان قانت مەسەلەسٸ حالىق اراسىندا ەلٸ دٷربەلەڭ تۋدىرىپ وتىر. ٶيتكەنٸ قانت باعاسى شارىقتاپ, 1 كەلٸسٸ 600-900 تەڭگە ارالىعىندا ساتىلۋدا. ونىڭ ٷستٸنە قانت تاپشى, كەز كەلگەن دٷكەننەن تابا المايسىز, تەك بەلگٸلٸ بٸر ساۋدا ورىندارىندا عانا ساتىلىپ جاتىر. وسىنىڭ سالدارىنان قانت تۇتىناتىن وتاندىق ٶنٸم ٶندٸرەتٸن كونديتەرلٸك شاعىن كەسٸپكەرلەردٸ ايتپاعاندا, ٸرٸ كەسٸپكەرلەردٸڭ ٶزٸ جابىلۋدا. مۇنداي ەلەۋمەتتٸك ماڭىزى بار ازىق-تٷلٸك باعاسى بۇدان ەرٸ ٶسە بەرسە, ەل اراسىندا ٷلكەن داۋ-دامايعا اينالۋى مٷمكٸن", - دەدٸ قاراتاەۆ پرەمەر-مينيستردٸڭ بٸرٸنشٸ ورىنباسارى رومان سكليارعا جولداعان دەپۋتاتتىق ساۋالىندا.
ايتۋىنشا, بٷگٸندە رەسپۋبليكانىڭ قانتقا جىلدىق قاجەتتٸلٸگٸ ورتا ەسەپپەن 550-600 مىڭ توننانى قۇرايدى. بۇل اي سايىن ورتا ەسەپپەن 45 مىڭ توننا. ال ٶز ەلٸمٸزدە قانتتىڭ تەك 10 پايىزى عانا ٶنٸدٸرٸلەدٸ, قالعانى يمپورتتالادى.
"مەملەكەت تاراپىنان بەرٸلگەن تاريفتٸك جەڭٸلدٸك بويىنشا 350 مىڭ توننا قانت ەكەلٸنەدٸ. دەگەنمەن دە, جەڭٸلدٸك بويىنشا شەت ەلدەن قانتتى تاسمالدايتىن كەسٸپكەرلەرگە ەلگە الىپ كەلۋگە 4 اي بەرٸلٸپ وتىر. بۇل ول ٶتە از مەرزٸم. ٶيتكەنٸ ەلەمدەگٸ ەكونوميكالىق تٷرلٸ سانكتسييالارعا بايلانىستى بارلىق لوگيستيكا بويىنشا پورتتار جەنە تاعى باسقا كٶلٸكتەر بوس ەمەس. ونىڭ ٷستٸنە ەلٸمٸزدەگٸ بانكتەردٸڭ شەت ەلمەن جۇمىس ٸستەۋ ٷشٸن قارجى وپەراتسييالارى ۇزاققا سوزىلۋدا", - دەدٸ مەجٸلٸسمەن.
وسىعان وراي, دەپۋتاتتار وتاندىق تاسمالداۋشى كەسٸپكەرلەردٸ قولداۋ ماقساتىندا قانت تاسىمالداۋ مەرزٸمٸن 6 ايعا دەيٸن ۇزارتۋدى ۇسىندى.
سونىمەن قاتار قانتتىڭ جىلدىق قاجەتتٸلٸگٸن ەسكەرٸپ, تاريفتٸك جەڭٸلدٸكتٸ 550-600 مىڭ تونناعا دەيٸن ارتتىرۋدى ورىندى دەپ سانايدى.
