Ádilet ministrliginiń Tirkeý qyzmeti jáne zań qyzmetin uiymdastyrý departamenti qazaqstandyqtar qansha reseilik azamatpen neke qiǵanyn habarlady, - dep jazady Tengrinews.kz agenttigi.
"Málimet boiynsha, 2022 jyldyń qyrkúiegi men qazanynda Qazaqstan Respýblikasy aýmaǵynda Qazaqstan Respýblikasy men Resei Federatsiiasynyń azamattary arasynda 485 neke qiylǵan", - delingen habarlamada.
Biraq bul derekterdiń byltyrǵydan kóp aiyrmashylyǵy joq ekeni atap ótildi. 2021 jyldyń dál osy kezeńinde qazaqstandyqtardyń reseiliktermen 494 nekesi qiylǵan.
Qarastyrylyp otyrǵan kezeńde eń kóp neke Almaty - 94 (2021 jyl - 75), Astana - 51 (2021 jyl - 46) jáne Qaraǵandy oblysynda - 45 (2021 jyl - 49).
Nekege turǵan adamdardyń ortasha jasy erlerde 26-29 jas, áielderde 23-28 jas.
"Zertteý boiynsha keiingi jyly Qazaqstan Respýblikasy men Resei Federatsiiasynyń azamattary arasynda tirkelgen nekeler sanynyń 14 paiyzǵa tómendegeni baiqalady. Máselen, 2021 jyldyń 10 aiynda - 2153 neke, 2022 jyldyń 10 aiynda 1851 neke qiyldy", - dep tolyqtyrdy vedomstvo ókili.
