Elde jariialanǵan tótenshe jaǵdai kezinde jáne kóktemgi demalys ýaqytynda muǵalimderdi mektepke jumysqa shaqyrǵan direktorlar jaýapqa tartyldy. Bul týraly QR Bilim jáne ǵylym ministrliginen málim etti, dep habarlaidy "Ult aqparat".
«COVID-19 infektsiiasynyń taralýyn aldyn alý sharalaryn kúsheitý maqsatynda qabyldanǵan QR Bilim jáne ǵylym ministriniń buiryǵyna sáikes, 16 naýryzdan bastap elimizdegi barlyq pedagogter kóktemgi demalys ýaqytynda qashyqtan jumys isteýi tiis. Alaida, keibir mektep basshylary muǵalimderdi jumysqa shyǵýǵa mindettegen. Buiryqty buzý faktileri negizinen Túrkistan jáne Almaty oblystarynda anyqtaldy. Ustazdardy jumysqa shaqyrtqan mektep basshylaryna tártiptik jaza qoldanyldy», - dedi ministrlikten.
QR BǴM-nan atap ótkendei, kóktemgi kanikýl kezinde muǵalimder ádistemelik jáne aldaǵy oqý protsesine daiyndyqty qashyqtan atqara alady. Bul rette, olardyń jalaqysy tolyq kólemde saqtalady.
«Iaǵni úiden jumys isteý ustazdardyń ailyǵyna áser etpeidi», - dedi vedomstvodan.
