Meksikalyq Saýl Alvarestiń (53-1-2, 36 KO) jattyqtyrýshysy Eddi Reinoso boksshynyń kelesi jekpe-jegi kimmen jáne qashan ótetinin aitty, dep habarlaidy "Ult aqparat" Sports.kz saityna silteme jasap.
«Kanelonyń» qarsylasy – WBO nusqasy boiynsha sýper orta salmaqtaǵy álem chempiony, britandyq Billi Djo Sonders (29-0, 14 KO). Jekpe-jek meksikalyq Sinko de maio merekesine orai uiymdastyrylady.
«Kanelo» óziniń kelesi kezdesýin 2 mamyrda ótkizedi. Biz Sonderspen aiqasatyn bolamyz. Jekpe-jek Las-Vegasta bolady», — dep málimdedi Reinoso.
Aita keteiik, qyrkúiek aiynda Alvares qazaqstandyq Gennadii Golovkinmen (40-1-1, 35 KO) úshinshi ret judyryqtasady dep kútilýde.
