Belgili promoýter Eddi Hirn qolastyndaǵy boksshy Kallým Smit jaqyn arada Saýl Alvarespen kezdespeitinin aitty. Bul týraly Vringe.com portalyna silteme jasap Sports.kz habarlady.
«Hirn Smitke «Kanelomen» aiqaspas buryn taǵy eki jekpe-jek uiymdastyrmaq. Buǵan deiin Liverpýl týmasy Smit Sýperseriiada jeńiske jetkennen keiin «Enfild» stadionynda titýlyn qorǵaýǵa niet bildirgen bolatyn. Ol úshin mansabyn aiaqtaǵan amerikalyq Andre Ýord pen qazaqstandyq Gennadii Golovkindi jekpe-jekke shaqyrmaq bolǵan», - dep jazady portal.
«Kanelo» óz kezeginde, Golovkinmen úshinshi ret aiqasýdan góri, iri jekpe-jek ótkizý úshin basqa salmaq sanatyna aýysýdyń amalyn qarastyrǵan. Biraq Sergei Kovalev onyń usynysyna kónbei qoidy, al Hirn Smit Sonderspen kezdesetinin málimdedi. Endi meksikalyq boksshynyń qyrkúiektegi jekpe-jegine Golovkinnen basqa boksshy tabylmaiyn dep tur.
