بەلگٸلٸ پروموۋتەر ەددي حيرن قولاستىنداعى بوكسشى كاللۋم سميت جاقىن ارادا ساۋل الۆارەسپەن كەزدەسپەيتٸنٸن ايتتى. بۇل تۋرالى Vringe.com پورتالىنا سٸلتەمە جاساپ Sports.kz حابارلادى.
«حيرن سميتكە «كانەلومەن» ايقاسپاس بۇرىن تاعى ەكٸ جەكپە-جەك ۇيىمداستىرماق. بۇعان دەيٸن ليۆەرپۋل تۋماسى سميت سۋپەرسەرييادا جەڭٸسكە جەتكەننەن كەيٸن «ەنفيلد» ستاديونىندا تيتۋلىن قورعاۋعا نيەت بٸلدٸرگەن بولاتىن. ول ٷشٸن مانسابىن اياقتاعان امەريكالىق اندرە ۋورد پەن قازاقستاندىق گەنناديي گولوۆكيندٸ جەكپە-جەككە شاقىرماق بولعان», - دەپ جازادى پورتال.
«كانەلو» ٶز كەزەگٸندە, گولوۆكينمەن ٷشٸنشٸ رەت ايقاسۋدان گٶرٸ, ٸرٸ جەكپە-جەك ٶتكٸزۋ ٷشٸن باسقا سالماق ساناتىنا اۋىسۋدىڭ امالىن قاراستىرعان. بٸراق سەرگەي كوۆالەۆ ونىڭ ۇسىنىسىنا كٶنبەي قويدى, ال حيرن سميت سوندەرسپەن كەزدەسەتٸنٸن مەلٸمدەدٸ. ەندٸ مەكسيكالىق بوكسشىنىڭ قىركٷيەكتەگٸ جەكپە-جەگٸنە گولوۆكيننەن باسقا بوكسشى تابىلمايىن دەپ تۇر.
