Saýl Alvarestiń jattyqtyrýshysy ári menedjeri Eddi Reinoso «Kanelo» men Gennadii Golovkin arasyndaǵy jepe-jekter trilogiiasynyń sońǵy bóligin qaramaǵyndaǵy tárbielenýshisiniń otanynda kórgisi keletinin málimdedi, dep habarlaidy QazAqparat Sports.kz saityna silteme jasap.
Boksshylardyń aldyńǵy eki aiqasy 2017 jáne 2018 jyldary Las-Vegastaǵy T-Mobile Arena-da ótken. Birinshi judyryqtasý teń aiaqtalsa, ekinshisinde tóreshilerdiń basym bóliginiń sheshimi boiynsha Alvares jeńdi.
«Men «Kanelonyń» Golovkinmen Meksikada – Mehiko ne Gvadalaharada aiqassa eken deimin. Iá, men úshinshi jekpe-jektiń Meksikada ótkenin qalaimyn. Biz GGG-men taǵy kezdesetinimizge úmittenemin. Golovkin alǵashqy eki jekpe-jekte jeńiske jete almady, endi jeltoqsanda Riota Mýratamen aiqasady. Endi ne bolatynyn kóremiz. «Kanelo men GGG arasyndaǵy úshinshi jekpe-jekti Meksikada ótkizý ońaiǵa soqpas, biraq men uiymdastyra alatynymyzǵa úmittimin», - dedi Reinoso Meksika reporterlerimen áńgimelesý barysynda.
