Foto: AP
Ekinshi orta salmaqtaǵy absoliýt álem chempiony, 33 jastaǵy meksikalyq Saýl Kanelo Alvares (59-2-2, 39 KO) 30 qyrkúiekte ringke oralady. Ol Las-Vegasta (AQSh) amerikalyq Djermell Charlomen (35-1-1, 19 KO) judyryqtasady. Bul boks tarihynda eki absoliýt chempion arasyndaǵy alǵashqy jekpe-jek bolmaq, - dep habarlaidy Tengrinews.kz saity Vesti.kz-ke silteme jasap.
Osy tarihi oqiǵanyń aldynda Kanelo mansabynyń aiaqtalýyna qatysty suraqqa jaýap berdi.
"Menińshe, áli 4 jyldai ýaqyt bar. Eń kóbi - 5 jyl. Men 15 jasymnan bastap kásipqoi bokspen ainalysyp kele jatqanymdy umytpańyz. 18 jyl bolypty. Men 36-37 jasta mansapty aiaqtaý keregin únemi aitp júremin. Meniń oiymsha, bul ýaqytqa deiin boks maǵan jetkilikti bolady. Bul shynymen kóp jyl ǵoi", - dedi ol vRINGe.com-ǵa bergen suhbatynda.
