Saýl "Kanelo" Alvares Gennadii Golovkinmen 5 mamyrda judyryqtasýdan resmi túrde bas tartty, - dep habarlaidy Vesti.kz.
"Óte ókinishti. Jekpe-jekti qazir ótkizýge múmkindiktiń bolmai otyrǵany úshin ózimdi sharasyz sezinemin. Jasyratyn dáneńem de joq. Ashyq bolǵym keledi. Bul jaǵdaiǵa shyn máninde tańmyn. Halyqtyń meniń adaldyǵyma kúmán keltirgeni aýyr soqqy bolyp tidi. Men árdaiym taza boksshy boldym. Osy sátten bastap saqtyq sharalaryn birinshi orynǵa qoiamyn, sebebi bul jaǵdai qaitalanbaýy tiis", - dep málimdedi Alvares.
Sonymen qatar, ol óziniń jeke demeýshisi, alda ótedi degen jekpe-jektiń demeýshisi bolǵan HBO telearnasynan, jýrnalisterden jáne kezdesýdi uiymdastyrýǵa atsalysqannyń barlyǵynan keshirim surady. "Ásirese jankúierlerimnen keshirim suraimyn. Boksty qurmetteimin, men - taza boksshymyn", - deidi meksikalyq.
Osylai degen "Kanelo" aldaǵy ýaqytta qazaqstandyq chempionmen kezdesý uiymdastyrý múmkindigin joqqa shyǵarmady. Ol biylǵy tamyzda nemese qyrkúiekte ótkizýge úmiti baryn aitty. Aitýynsha, ol dopingten aqtalyp shyqqannan keiin karerasynda Golovkinmen ekinshi ret judyryqtasqysy keletinin málimdedi.
Golovkin bolsa, Twitter jelisinde 5 mamyrda mindetti túrde judyryqtasatynyn jazdy. "Men óz titýldarymda Las-Vegasta qorǵaimyn. Resmi málimdeme - taiaýda", - delingen habarlamada.
