ساۋل "كانەلو" الۆارەس گەنناديي گولوۆكينمەن 5 مامىردا جۇدىرىقتاسۋدان رەسمي تٷردە باس تارتتى, - دەپ حابارلايدى Vesti.kz.
"ٶتە ٶكٸنٸشتٸ. جەكپە-جەكتٸ قازٸر ٶتكٸزۋگە مٷمكٸندٸكتٸڭ بولماي وتىرعانى ٷشٸن ٶزٸمدٸ شاراسىز سەزٸنەمٸن. جاسىراتىن دەنەڭەم دە جوق. اشىق بولعىم كەلەدٸ. بۇل جاعدايعا شىن مەنٸندە تاڭمىن. حالىقتىڭ مەنٸڭ ادالدىعىما كٷمەن كەلتٸرگەنٸ اۋىر سوققى بولىپ تيدٸ. مەن ەردايىم تازا بوكسشى بولدىم. وسى سەتتەن باستاپ ساقتىق شارالارىن بٸرٸنشٸ ورىنعا قويامىن, سەبەبٸ بۇل جاعداي قايتالانباۋى تيٸس", - دەپ مەلٸمدەدٸ الۆارەس.
سونىمەن قاتار, ول ٶزٸنٸڭ جەكە دەمەۋشٸسٸ, الدا ٶتەدٸ دەگەن جەكپە-جەكتٸڭ دەمەۋشٸسٸ بولعان HBO تەلەارناسىنان, جۋرناليستەردەن جەنە كەزدەسۋدٸ ۇيىمداستىرۋعا اتسالىسقاننىڭ بارلىعىنان كەشٸرٸم سۇرادى. "ەسٸرەسە جانكٷيەرلەرٸمنەن كەشٸرٸم سۇرايمىن. بوكستى قۇرمەتتەيمٸن, مەن - تازا بوكسشىمىن", - دەيدٸ مەكسيكالىق.
وسىلاي دەگەن "كانەلو" الداعى ۋاقىتتا قازاقستاندىق چەمپيونمەن كەزدەسۋ ۇيىمداستىرۋ مٷمكٸندٸگٸن جوققا شىعارمادى. ول بيىلعى تامىزدا نەمەسە قىركٷيەكتە ٶتكٸزۋگە ٷمٸتٸ بارىن ايتتى. ايتۋىنشا, ول دوپينگتەن اقتالىپ شىققاننان كەيٸن كارەراسىندا گولوۆكينمەن ەكٸنشٸ رەت جۇدىرىقتاسقىسى كەلەتٸنٸن مەلٸمدەدٸ.
گولوۆكين بولسا, Twitter جەلٸسٸندە 5 مامىردا مٸندەتتٸ تٷردە جۇدىرىقتاساتىنىن جازدى. "مەن ٶز تيتۋلدارىمدا لاس-ۆەگاستا قورعايمىن. رەسمي مەلٸمدەمە - تاياۋدا", - دەلٸنگەن حابارلامادا.
