WBA Super tujyrymdamasy boiynsha álem chempiony Saýl "Kanelo" Alvares qazirgi ýaqytta IBF jáne IBO titýldarynyń iegeri Gennadii Golovkinmen úshinshi jekpe-jegine qatysty esh nárse aita almaitynyn jetkizdi.
Alvares 2 mamyr kúni ringke oralady dep josparlanyp otyr. Qarsylasynyń esimi atalmady, dep habarlaidy Sports.kz.
"Golovkinmen úshinshi jekpe-jekke qatysty biraz sóz boldy. Alaida qazir bul suraqqa jaýap bere almaimyn. Men 168 fýnt salmaqta judyryqtasqym keledi. Keiin orta salmaqqa jaqyndaýdy josparlap otyrmyn. Muny aqylmen júzege asyrý kerek. Óitkeni jartylai aýyr salmaqtan orta salmaqqa aýysý - radikaldy ózgeris", - dedi "Kanelo" ESPN Deportes-ke bergen suhbatynda.
Eske sala ketsek, GGG men "Kanelonyń" alǵashqy jekpe-jegi 2017 jyldyń qyrkúieginde ótip, teń aiaqtaldy. Bir jyldan keiin qarsylastar qaita jolyǵyp, bul joly tóreshiler jeńisti Alvareske berdi. Eki kezdesý de Las-Vegastaǵy T-Mobile Arena-da ótti.
