WBA Super تۇجىرىمداماسى بويىنشا ەلەم چەمپيونى ساۋل "كانەلو" الۆارەس قازٸرگٸ ۋاقىتتا IBF جەنە IBO تيتۋلدارىنىڭ يەگەرٸ گەنناديي گولوۆكينمەن ٷشٸنشٸ جەكپە-جەگٸنە قاتىستى ەش نەرسە ايتا المايتىنىن جەتكٸزدٸ.
الۆارەس 2 مامىر كٷنٸ رينگكە ورالادى دەپ جوسپارلانىپ وتىر. قارسىلاسىنىڭ ەسٸمٸ اتالمادى, دەپ حابارلايدى Sports.kz.
"گولوۆكينمەن ٷشٸنشٸ جەكپە-جەككە قاتىستى بٸراز سٶز بولدى. الايدا قازٸر بۇل سۇراققا جاۋاپ بەرە المايمىن. مەن 168 فۋنت سالماقتا جۇدىرىقتاسقىم كەلەدٸ. كەيٸن ورتا سالماققا جاقىنداۋدى جوسپارلاپ وتىرمىن. مۇنى اقىلمەن جٷزەگە اسىرۋ كەرەك. ٶيتكەنٸ جارتىلاي اۋىر سالماقتان ورتا سالماققا اۋىسۋ - راديكالدى ٶزگەرٸس", - دەدٸ "كانەلو" ESPN Deportes-كە بەرگەن سۇحباتىندا.
ەسكە سالا كەتسەك, GGG مەن "كانەلونىڭ" العاشقى جەكپە-جەگٸ 2017 جىلدىڭ قىركٷيەگٸندە ٶتٸپ, تەڭ اياقتالدى. بٸر جىلدان كەيٸن قارسىلاستار قايتا جولىعىپ, بۇل جولى تٶرەشٸلەر جەڭٸستٸ الۆارەسكە بەردٸ. ەكٸ كەزدەسۋ دە لاس-ۆەگاستاعى T-Mobile Arena-دا ٶتتٸ.
