Meksikalyq boksshy Saýl «Kanelo» Alvarestiń (49-1-2, 34 KO) isin júrgizetin Golden Boy Promotions promoýterlik kompaniiasy orta salmaqtaǵy WBC, WBA (Super) jáne IBO nusqasy boiynsha álem chempiony Gennadii Golovkinge (38-0-1, 34 KO) qarymta kezdesýden túsken tabysty bólýge qatysty jańa usynys aitty, dep habarlaidy Baq.kz aqparat agenttigi Vesti.kz portalyna silteme jasap.
Qos boksshy arasyndaǵy jekpe-jek osy jyldyń qyrkúieginde ótýi múmkin.
Golden Boy Promotions atalǵan kezdesýden túsetin tabysty Alvarestiń paidasyna 57,5-te 42,5 dep bólýdi usynyp otyr. Bul týraly atalǵan kompaniianyń prezidenti Erik Gomes ESPN telearnasyna bergen suhbatynda málimdedi.
Alaida olar Golovkinge sheshim qabyldaýǵa az ýaqyt bergen. Qazaqstandyq boksshy atalǵan usynysty tynyq muhit ýaqytymen 12 saǵattan keshikpei qabyldaýy tiis (Astana ýaqytymen 14 maýsym, túngi saǵat 01:00-ge deiin). Eger Golovkin bul usynysty qup kórmese, Alvares kezekti jekpe-jekti ótkizý úshin AQSh-tyń eks-chempiony Deniel Djeikobspen (34-2, 29 KO) kelisimge qol qoiady. Tipti meksikalyq boksshy 15 qyrkúiekke Las-Vegas qalasyndaǵy T-Mobile arenasyn brondap qoiǵan.
Osy oraida meksikalyq boksshy Saýl «Kanelo» Alvarestiń promoýteri Golden Boy Promotions kompaniiasynyń prezidenti Erik Gomes qazaqstandyq Gennadii Golovkinge qoiǵan talapqa qatysty óz pikirin bildirdi. Onyń aitýynsha, olar Golovkinge qyrkúiekte bolýy múmkin qarymtanyń kirisin bólisý týraly sońǵy usynystaryn aitqan.
«Bul - sońǵy usynys. Biz barlyq kedergiden óttik, endi eshqandai kezdesý bolmaidy. Golovkin túske deiin sheshim qabyldasyn nemese bas tartady. Bas tartsa – joly bolsyn. Qarymtany ótkizý úshin barymyzdy salyp jatyrmyz. Kanelo «bul jekpe-jekti jankúierler úshin ótkizgisi keledi, sol úshin ǵana jeńildikterge bardyq», - deidi Erik Gomes.
Sonymen qatar ol qarymta kezdesýden túsetin paidanyń teń bólinetinin atap ótip, onyń bul jaǵdaimen kelispeitinin ashyq aitty.
«Bastapqydaǵy kelisim Golovkinge úlestiń 35 paiyzyn berý edi. Biraq keiin ol 50-50 alǵysy keldi. Bul kúlkili. Qarsy usynys jasaý úshin biz jeńildikke barýǵa daiynbyz. Alaida seisenbide Tom Lefflerge qońyraý shalyp, olarda sheshim qabyldaýǵa 24 saǵat baryn aittym. Áitpese biz Denni Djeikobspen judyryqtasamyz. Ol Golovkinmen sóilesip, kóndirýge tyrysatynyn aitty. Qazir Golovkinge óte úlken qarjy usynylyp otyr. Eger ol bas tartsa, munsha aqshany basqa jerden eshqashan kórmeidi. Bul másele talai ret sóz etildi», - deidi Golden Boy Promotions kompaniiasynyń prezidenti.
Esterińizge sala keteiik, Golovkin men «Kanelo» arasyndaǵy alǵashqy jekpe-jek 2017 jyldyń 16 qyrkúieginde Las-Vegastaǵy T-Mobile arenasynda ótip, tóreshiler sheshimi boiynsha kezdesý teń aiaqtalǵan.
Ol kezde qazaqstandyq boksshy túsken tabystyń 30%-in ǵana alǵan.
