Nur-Sultan qalasyndaǵy №2 kópbeiindi qalalyq aýrýhanasy otbasyn josparlaý ortalyǵynyń ginekolog-endokrinology Aigúl Musabaeva ekstrakorporaldy uryqtandyrýǵa qarsy meditsinalyq kórsetilimderdi atady, dep habarlaidy QazAqparat tilshisi.
«Jatyr qosylymyna embriondy implantatsiiaǵa kedergi keltiretin týa bitken, júre bitken aqaýlar, júktilik qarsańynda qarsy kórsetilimi bar psihologiialyq, somatikalyq ózgerister, operatsiiamen emdeýdi qajet etetin analyq bezder, jatyrdyń qatersiz isikteri, onkologiia, jedel qabyný, kez kelgen lokalizatsiia onkologiiasy, esirtki men alkogolge táýeldilik, jatyr qosalqylarynyń gidrosalpingsi, saktosalpinks, jatyrdyń sinehiiasyz isikteri jatyrdan tys uryqtandyrýǵa kedergi jasap, nátijesin tómendetetin jáne boldyrmaityn qarsy kórsetilim bolyp sanalady», - dedi maman.
Atalmysh sharada Ana men bala densaýlyǵyn qorǵaý departamentiniń direktory Maǵripa Embergenova «Ańsaǵan sábi» baǵdarlamasynyń aiasynda biyl 40 náreste dúniege kelgenin málim etti.
«10 qarashadaǵy jaǵdai boiynsha, «Ańsaǵan sábi» baǵdarlamasy boiynsha 6 myń emdelýshige «eko» jasaldy. Bul búkil josparly kólemniń 84 paiyzy degen sóz. Taǵy 740 patsient osy baǵdarlamaǵa qatysyp bastady. 2000-nan astam júkti áiel esepke alyndy. Búgingi tańda atalǵan baǵjarlama boiynsha 40 náreste dúniege keldi», - dedi departament direktory.
