Ekologiia, geologiia jáne tabiǵi resýrstar ministri Maǵzum Myrzaǵaliev Qazaqstannyń qai óńirinde qandai ken oryndaryn ashýǵa bolatynyn aityp berdi, dep habarlaidy QazAqparat.
«Qazaqstanda jańa ken oryndaryn ashýǵa bolatyndai mol múmkindik bar. Máselen, Aqmola men Qostanai oblysynda, sonymen birge eldiń ortalyq, shyǵys jáne ońtústik óńirlerinde altyn óndiretin oryndardy ashýǵa bolatyndai áleýet anyqtaldy. Sonymen qatar Ortalyq, Ońtústik Qazaqstan men Kendi Altaida, Resei men Qytai shekarasynda qorǵasyn, myrysh ken oryndaryn ashýǵa mol múmkindik bar», - dedi Maǵzum Myrzaǵaliev búgin Ortalyq kommýnikatsiialar qyzmetinde ótken halyqqa onlain esep berý barysynda.
Ministr sonymen qatar el aýmaǵynda volfram, molibden, aliýminii, qalaiy óndirisi boiynsha ken oryndaryn ashýǵa bolatynyn málim etti.
