«Nur Otan» partiiasynyń hatshysy Arman Qyryqbaevtyń jáne alys-jaqyn elderden kóship kelgen otandastarymyzdyń qatysýymen «Nur Otan» partiiasynyń partiiaishilik irikteý – praimerizge qatysty ZOOM-konferentsiiasy ótti, dep habarlaidy "Ult aqparat" partiianyń baspasóz qyzmetine silteme jasap.
Onlain basqosýdy jýrnalist, bloger Aidos Juqanuly júrgizdi.
Konferentsiiaǵa Qazaqstannyń eńbek sińirgen qairatkeri Dúken Másimhanuly, L.N. Gýmilev atyndaǵy Eýraziia ulttyq ýniversitetiniń Shyǵystaný kafedrasynyń professory Tursynhan Zákenuly, Qazaqstan Respýblikasy Prezidenti janyndaǵy Ulttyq qoǵamdyq senim keńesiniń múshesi Aýyt Muqibek, halyqaralyq dárejedegi marketing jáne PR mamany Jardanbek Nazgúl, «Minber» jýrnalisterdi qoldaý ortalyǵynyń jetekshisi, jýrnalist Esengúl Kápqyzy, «Otandastar qory» KeAQ qandastardy qoldaý departamentiniń basqarýshysy Ǵaziz Tastaev jáne ár salada qyzmet etip júrgen ozyq ári belsendi azamattar qatysty.
Moderator Aidos Juqanuly «Nur Otan» partiiasy kóptegen igi isterdi atqaryp jatqanyn, sonyń biri osy praimeriz ekenin tilge tiek etti. «Nur Otan» partiiasy barlyǵyna keń múmkindik berip, azamattarǵa jol ashyp otyr. Basty ustanymdary ádildik úshin ailaq bolý. Buǵan mende senem. Naǵyz demokratiialyq printsipter praimeriz arqyly ornyǵý kerek», – dedi.
Biri – otyz jyl buryn, biri jýyrda ǵana atamekenge oralǵan otandastar ózi qyzmet etetin saladaǵy problemalardy kóterip, praimerizge qatysý arqyly sol máselelerdi sheshkisi keletinin aitty.
Alǵash sóz tizginin alǵan Dúken Másimhanuly praimerizdi elimizdegi bas partiia saiasatynyń ashyqtyǵy dep baǵa berdi. Partiiaishilik irikteýge qatysyp, bilim-ǵylym salasyndaǵy biraz máselelerdi kóterýge nietti ekenin aitty. «Ǵumyrymdy bilim-ǵylym salasynda sarp etken azamat retinde Táýelsiz elimniń damýyna áli de úles qosqym keledi. Bizge osyndai múmkindik berip otyrǵan «Nur Otan» partiiasyna alǵysymyz sheksiz», – dedi.
Al, Qazaqstan Respýblikasy Prezidenti janyndaǵy Ulttyq qoǵamdyq senim keńesiniń múshesi, partiiaishilik irikteýge qatysýshy Aýyt Muqibek praimeriz shetten kelgen aǵaiyndarǵa ne beredi degen suraqqa jaýap berdi. «Praimeriz – qandastarymyzdyń saiasi protsesterge aralasýyna úlken múmkindik. Ári depýtattardy irikteýdiń teńdessiz tásili. Elimizge qonys aýdaryp kelgenderdiń máselesin qandastar kóbirek biletindikten, olardyń sailaýǵa qatysýy óte mańyzdy», – dep atap ótti.
Sonymen qatar, halyqaralyq dárejedegi marketing jáne PR mamany Nazgúl Jandarbek te atalǵan naýqannan tys qalmaitynyn atap ótti. «Memlekettik basqarý júiesine sheteldik úzdik tásilderdi kirgizgenimiz bizge memlekettik qyzmetterdi jeńildete túsedi. Sonyń biri osy praimeriz ótkizý. Qazirgi kezde elimizde belsendi jastar kóp. Olardyń talpynysy joǵary. Partiia ishinde praimeriz arqyly osyndai belsendi azamattardy iriktep shyǵarý jumystary júrgizilýde. Osy sátti biz ońtaily paidalana bilýimiz kerek. Sondyqtan men qolymdy siltep, bul múmkindikten qalys qalǵym kelmeidi. 30 jyl boiy istegen jumysymnyń nátijesin endi memleket qyzmetine arnaǵym keledi», – dedi ol.
Aqyn, jazýshy Áskerhan Aqtai praimeriz partiiaishilik irikteý elge jańa lep ákeletin ońdy qadamdardyń biri ekenine toqtaldy. «Meniń maqsatym – qandastarymyzdyń ekonomikalyq-áleýmettik, rýhani máselesine qoldaý kórsetý, eldegi túitkildi máselelerdi sheshý. Prameriz ádil ótedi dep oilaimyn. Eldiń bolashaǵyna eleýli úles qosatyn azamattardyń praimerizdiń nátijesinde sailanatynyna senemin», – dep, praimerizge qatysatynyn atap ótti.
Konferentsiia barysynda «Otandastar qory» QeAQ Qandastardy aqparattyq qoldaý ortalyǵynyń meńgerýshisi Bolat Zaýt memleketti ármen qarai damytýǵa atsalysý úshin el azamattaryn praimerizge qatysýǵa shaqyrdy. Esengúl Kápqyzy básekege qabilettilikti arttyrýdyń mańyzdylyǵyn aita kele, partiia men halqymyzdyń aldynda turǵan synnan súrinbei ótýdi tiledi. Al S.Seifýllin atyndaǵy Qazaq agrotehnikalyq ýniversitetiniń Ekonomikalyq teoriia jáne quqyq kafedrasynyń aǵa oqytýshysy Qairat Bodaýhan praimerizge qatysýshylarǵa eldegi demografiialyq máselelerdi kóterýge, aýylsharýashylyǵyn jandandyrýǵa kúsh salý kerek degen usynysyn bildirdi. L.N. Gýmilev atyndaǵy Eýraziia ulttyq ýniversitetiniń shyǵystaný kafedrasynyń professory Tursynhan Zákenuly Parlamentke jergilikti qazaqtar men shet eldegi aǵaiynnyń muń-muqtajyn oilaityn, halyqqa jany ashityn azamattardyń keletinine senetinin aitty.
«Erke-Nur» JShS bas direktory Farida Merhamitqyzy kóshi-qon máselelerine belsendi túrde aralasyp, atsalysqanyn tilge tiek etip, eldiń saiasi ómirinde halyqpen birge kele jatqanyn, sondai-aq máslihatta istegen jyldarynda jinaqtaǵan tájiribesin budan ári de paidalaný úshin praimerizge qatysyp, joǵary deńgeide jumys isteýge bar kúshin salatynyn sóz etti.
Konferentsiiany qorytyndylaý barysynda «Nur Otan» partiiasynyń hatshysy Arman Qyryqbaev partiiaishilik praimerizdiń halyqtyń úmitin qanshalyqty aqtaitynyna toqtaldy. «Biz bul praimerizge úlken úmit artamyz. Bul naýqan «Nur Otan» partiiasynyń depýtattarynyń sanyn jańǵyrtýdyń tiimdi joly. Osyny iske asyrý úshin eldiń aldyna shyǵyp halyqpen kezdesetin, óziniń sózine jaýap bere alatyn, talap qoia alatyn, ýáde berip qana qoimai, sony oryndai alatyn azamattar kerek. Doda bolǵannan keiin, bul jerde talas, tartys júredi. Ár aimaqtyń óz serkeleri, belsendileri bar. Olardyń qai-qaisysy bolmasyn osy praimerizde jeńiske jetkisi keledi. Praimerizdiń joǵary deńgeide, meiilinshe ádil ótýi barlyǵymyzǵa bailanysty. Eldiń aldynda júrgen, qoǵamǵa paidasy tietin azamattar naýqanǵa qatyssa, praimeriz de jaqsy ótedi. Al biz óz tarapymyzdan qolymyzdan kelgenniń bárin jasaimyz», – dedi partiia hatshysy.
Esterińizge sala keteiik, buǵan deiin Elbasy, Partiia Kóshbasshysy Nursultan Nazarbaev óziniń viedoúndeýinde «Nur Otan» jaqtastaryn jáne partiialastardy elimiz úshin mańyzdy saiasi oqiǵaǵa belsene qatysýǵa shaqyrdy.
17 tamyzda elimizdiń barlyq aimaqtarynda «Nur Otan» partiiasynyń praimerizderine kandidattardy usyný jáne tirkeý bastaldy. Qazirgi ýaqytta alty myńnan astam adam partiiaishilik irikteýge qatysýǵa niet bildirdi.
Úgit-nasihatqa daiyndalý úshin kandidattarǵa 31 tamyzdan 6 qyrkúiekke deiin 7 kún bólinedi.
7 qyrkúiek pen 3 qazan aralyǵynda kandidattardyń úgit-nasihat jumystary, sonyń ishinde 14-30 qyrkúiek aralyǵynda kópshilikke jariia debattar ótedi. Debattar «Praimeriz» arnaiy aqparattyq júiesi arqyly partiianyń resmi akkaýnttarynda kórsetiledi.
.jpeg)