Prezident kómekshisi – Prezident Ákimshiliginiń Ótinishterdi qaraýdy baqylaý bóliminiń meńgerýshisi taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Qanatbek Baqytuly Jaisańbaev Qazaqstan Respýblikasy Prezidentiniń kómekshisi – Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaiyndalsyn, ol Qazaqstan Respýblikasy Prezidentiniń Ákimshiligi Memlekettik baqylaý jáne aýmaqtyq-uiymdastyrý jumysy bóliminiń meńgerýshisi laýazymynan bosatylsyn", - delingen Jarlyqta.
Memleket basshysynyń ókimi boiynsha, Ǵabidýlla Ospanqulov Qazaqstan Respýblikasy Prezidentiniń Ákimshiligi Memlekettik baqylaý jáne aýmaqtyq-uiymdastyrý jumysy bóliminiń meńgerýshisi bolyp taǵaiyndaldy.
Qanatbek Jaisańbaev 1980 jyly Qyzylorda qalasynda dúniege kelgen.
2010-2016 jyly Qyzylorda oblysy ákimi apparatynyń basshysy, keiin Prezident Ákimshiliginiń memlekettik baqylaý jáne aýmaqtyq-uiymdastyrý jumysy bóliminiń memlekettik inspektory bolyp jumys istedi. Sondai-aq, buǵan deiin Prezident Ákimshiliginiń Ishki saiasat bólimi meńgerýshisiniń orynbasary qyzmetin atqarǵan.
Al 2021 jyly sáýirde Prezident Ákimshiligi bóliminiń meńgerýshisi bolǵan.
