Foto: ashyq derekkóz
Buǵan deiin Qanat Sharlapaev «Samuryq-Qazyna» qory men «Báiterek» holdinginde direktorlar quramyndaǵy qyzmetinen bosatylǵan, dep habarlaidy Ult.kz.
"Atameken" Ulttyq kásipkerler palatasynyń sezinde prezidiýmnyń jańa tóraǵasy sailandy. Bul qyzmetke Qanat Sharlapaev taǵaiyndaldy.
Osy ýaqytqa deiin, 2022 jyldan beri, UKP prezidiýmynyń tóraǵasy qyzmetin Raiymbek Batalov atqaryp kelgen.
Qanat Sharlapaev ár jyldary "Báiterek" ulttyq basqarýshy holdingi basqarma tóraǵasy, Qazaqstan Respýblikasynyń indýstriia jáne qurylys ministri qyzmetterin atqarǵan. Sondai-aq, 2025 jylǵy 28 aqpan men 25 qyrkúiek aralyǵynda Qazaqstan Respýblikasy Prezidentiniń ekonomikalyq máseleler jónindegi kómekshisi boldy.
Aita keteiik, Qanat Sharlapaev 2025 jyldyń qyrkúiek aiynda Prezident ákimshiligindegi qyzmetinen ketken bolatyn.
