Foto: informburo.kz
Qanat Mýsin Ádilet ministri qyzmetinen bosatyldy, - dep habarlaidy "Ult aqparat" Aqorda saityna silteme jasap.
"Memleket basshysynyń Jarlyǵymen Qanat Sergeiuly Mýsin Qazaqstan Respýblikasynyń Ádilet ministri laýazymynan bosatyldy", - delingen habarlamada.
Qanat Mýsin 1966 jylǵy 27 aqpanda Tselinograd (Astana) qalasynda dúniege kelgen. E.A. Býketov atyndaǵy Qaraǵandy memlekettik ýniversitetin bitirgen. Zańger. Aǵa ádilet keńesshisi, qarjy politsiiasynyń polkovnigi.
1984-1986 jyldary Tselinograd qalasynyń Lenin aýdandyq halyq sotynyń sot oryndaýshysy, sot otyrysynyń hatshysy, arhivariýsy.
1986-1989 jyldary "Tselinogradoblgaztop" óndiristik birlestiginiń aǵa iýriskonsýlty.
1989-1998 jyldary Tselinograd qalasynyń, Aqmola oblysynyń prokýratýra organdarynda qyzmet etken, Astana qalasy prokýrorynyń orynbasary.
1998-2001 jyldary Soltústik Qazaqstan oblysy prokýrorynyń orynbasary, Jambyl oblysy prokýrorynyń birinshi orynbasary.
2001-2007 jyldary qarjy politsiiasy organdarynda qyzmet etken, Batys Qazaqstan oblysy, Almaty qalasy Ekonomikalyq qylmys jáne sybailas jemqorlyqqa qarsy kúres departamenti basshysynyń orynbasary.
2007-2010 jyldary Qazaqstan Respýblikasynyń Qaýipsizdik keńes apparatynda jumys istegen: bas sarapshy, bas inspektory, Qaýipsizdik keńesi hatshylyǵy meńgerýshisiniń orynbasary.
2010-2012 jyldary Soltústik Qazaqstan oblysy prokýrorynyń birinshi orynbasary.
2012-2016 jyldary Astana qalasynyń Ádilet departamentiniń basshysy.
2016 jyldyń naýryzynan bastap altynshy sailanymdaǵy Qazaqstan Respýblikasy Parlamenti Májilisiniń depýtaty.
2021 jyldyń qańtar aiynan bastap jetinshi sailanymdaǵy Qazaqstan Respýblikasy Parlamenti Májilisiniń depýtaty-Zańnama jáne sot-quqyqtyq reforma komitetiniń tóraǵasy.
2022 jyly qańtarda Ádilet ministri bolyp taǵaiyndalǵan.
"Eren eńbegi úshin", "Qazaqstan Respýblikasynyń táýelsizdigine 20 jyl", "Astananyń 10 jyldyǵy" medaldarymen, quqyq qorǵaý organdarynyń vedomstvolyq nagradalarymen marapattalǵan.
