Qanat Islamnyń 26 qazanda Almaty qalasynda ótetin kásipqoi boks keshindegi qarsylasy anyqtaldy, dep habarlaidy "Ult aqparat" «Qazaq promotions» kompaniiasynyń instagram paraqshasyna silteme jasap.
Qanat Islam (26-0, 21 KO) kelesi jekpe-jekte Ýolter Kaýtondokvamen (18-1, 17 KO) kezdesedi.
«Kezdesýde Qanat Islamǵa tiesili birinshi orta salmaqta WBO International chempion ataǵy sarapqa salynady. Ýolter Kaýtondokva WBO nusqasy boiynsha TOP-10 boksshynyń tiziminde 10-shy orynda. 2018 jyly Ýolter Kaýtondokva WBO-nyń orta salmaqtaǵy chempiony Demetriýs Andrademen (26-0, 17KO) kezdesken», - delingen habarlamada.
Eske sala ketsek, buǵan deiin Qanat Islam óziniń kelesi jekpe-jeginiń qashan ótetinin jariialaǵan bolatyn.
«Kelesi jekpe-jek 26 qazanǵa josparlandy. Oǵan jaýapkershilik te úlken. Osynda AQSh-tan meniń burynǵy promoýterim Nelson Lopes keldi. Sol kisiniń arqasynda men kásipqoi boksty bilip, tanydym. Amerikada árdaiym qoldap júrdi. Almatyda baq synaǵymyz keledi. Maqsatymyz – elimizdi, ásem qalamyz ben onyń tabiǵatyn maqtanyshpen tanytý», - dedi boksshy YouTube-tegi Qazaq Promotion kanalynda jariialanǵan videoda.
