قانات يسلامنىڭ 26 قازاندا الماتى قالاسىندا ٶتەتٸن كەسٸپقوي بوكس كەشٸندەگٸ قارسىلاسى انىقتالدى, دەپ حابارلايدى "ۇلت اقپارات" «Qazaq promotions» كومپانيياسىنىڭ instagram پاراقشاسىنا سٸلتەمە جاساپ.
قانات يسلام (26-0, 21 KO) كەلەسٸ جەكپە-جەكتە ۋولتەر كاۋتوندوكۆامەن (18-1, 17 كو) كەزدەسەدٸ.
«كەزدەسۋدە قانات يسلامعا تيەسٸلٸ بٸرٸنشٸ ورتا سالماقتا WBO International چەمپيون اتاعى ساراپقا سالىنادى. ۋولتەر كاۋتوندوكۆا WBO نۇسقاسى بويىنشا توپ-10 بوكسشىنىڭ تٸزٸمٸندە 10-شى ورىندا. 2018 جىلى ۋولتەر كاۋتوندوكۆا WBO-نىڭ ورتا سالماقتاعى چەمپيونى دەمەتريۋس اندرادەمەن (26-0, 17كو) كەزدەسكەن», - دەلٸنگەن حابارلامادا.
ەسكە سالا كەتسەك, بۇعان دەيٸن قانات يسلام ٶزٸنٸڭ كەلەسٸ جەكپە-جەگٸنٸڭ قاشان ٶتەتٸنٸن جارييالاعان بولاتىن.
«كەلەسٸ جەكپە-جەك 26 قازانعا جوسپارلاندى. وعان جاۋاپكەرشٸلٸك تە ٷلكەن. وسىندا اقش-تان مەنٸڭ بۇرىنعى پروموۋتەرٸم نەلسون لوپەس كەلدٸ. سول كٸسٸنٸڭ ارقاسىندا مەن كەسٸپقوي بوكستى بٸلٸپ, تانىدىم. امەريكادا ەردايىم قولداپ جٷردٸ. الماتىدا باق سىناعىمىز كەلەدٸ. ماقساتىمىز – ەلٸمٸزدٸ, ەسەم قالامىز بەن ونىڭ تابيعاتىن ماقتانىشپەن تانىتۋ», - دەدٸ بوكسشى YouTube-تەگٸ Qazaq Promotion كانالىندا جارييالانعان ۆيدەودا.
