Búgin QR Mádeniet jáne sport ministri Arystanbek Muxamediuly kásipqoi boksshy Qanat Islamdy jáne tanymal kásipker Baýyrjan Ospanovty qabyldap, EKSPO aiasynda ótetin Qanat Islamnyń kásipqoi boks keshiniń kúnin aldyn ala jariia etti, dep xabarlaidy Ult.kz tilshisi QazAqparat agenttigine silteme jasap.
"Biz boks keshin 9-qyrkúiekke belgiledik. Sizderdi bilmeimin, biz daiyndalyp jatyrmyz", - dedi ministr Baýyrjan Ospanov pen Qanat Islamǵa qaratyp aitqan sózinde.
Óz kezeginde, B. Ospanov Astanadaǵy EKSPO alańynda ótetin jekpe-jekke daiyn ekendikterin málim etti.
"Biz tolyq daiynbyz. Bizge ana jaqqa kórsetý úshin, Sizdermen kelisimshartqa otyryp alýymyz kerek. Olar kelisimshartqa otyrýǵa kelisim berý úshin, biz myna jaqtan rastaýymyz kerek aldymen. Óitkeni ol úlken deńgeidegi shara ǵoi. Ol tender siiaqty bolady. Áitpese, eskeretin jumystary kóp", - dedi B. Ospanov.
Onyń aitýynsha, jospar boiynsha boks keshinde birqatar qazaq boksshylary óner kórsetpek.
"Biraz boksshylarmen kelisip qoidyq, Maiamida jinap, bizdiń daiyndap jatqan balalarmen sóilestik. Shúmenovpen telefon arqyly kelisip qoidyq. Olar da shyǵamyz dep daiyndalyp jatyr. Biz olardyń qarajat jaǵyn, barlyǵyn kelisip alýymyz kerek, árine erteń olar patriot retinde kele salýy múmkin, másele qarsylastarynda ǵoi. Úlken deńgeide jekpe-jek ótkizý úshin, úlken belbeýge talasý úshin myqty qarsylas tartýymyz kerek. Shúmenov, Janqosh Turarov nemese Jaqiianov syndy boksshylardy daiyndap qoiýymyz kerek", - dedi B. Ospanov.
Aita ketken jón, ministrliktiń baspasóz qyzmetiniń xabarlaǵanyndai, bul kásipqoi boks keshiniń aldyn ala qoiylǵan merzimi. Jumys barysynda bul data áli ózgerýi de múmkin.
