Búgin Ýilmington qalasynda (AQSh, Delaver shtaty) ótken boks keshinde otandasymyz, birinshi orta salmaqtaǵy WBO Intercontinental jáne WBA Federatin tujyrymdary boiynsha chempion Qanat Islam kásipqoi ringtegi kezekti jeńisine jetti.
Ol braziliialyq boksshy Robson Assispen judyryqtasyp, qarsylasyn birinshi raýndta-aq sulatyp túsirdi.
32 jastaǵy otandasymyz Qanat Islam kásipqoi boksqa 2012 jyly aýysyp, sol ýaqyttan beri jeńilistiń kermek dámin tatqan joq. Ol ózi ótkizgen 22 kezdesýdiń barlyǵynda jeńiske jetti. 14 ret qarsylasyn nokaýtqa túsirdi. Osy kezdesýi Islamnyń AQSh jerinde ótkizgen tórtinshi jekpe-jegi. Ol buǵan deiin Qazaqstan, Kolýmbiia jáne Dominikan Respýblikasynda judyryqtasqan.
Al 38 jastaǵy Assis bolsa, 2006 jyly kásipqoi bokstaǵy birinshi kezdesýin ótkizip, qazirgi ýaqytqa deiin kásipqoi boksta 19 kezdesý qatysqan. Onyń 16 kezdesýinde jeńiske jetken.
