Birinshi orta salmaqta WBO Intercontinental jáne WBA Fedelatin belbeýleriniń iegeri qazaqstandyq kásipqoi boksshy Qanat Islam (24-0, 19 KO) meksikalyq Norberto Gonsalesti (24-9, 13 KO) upai sanymen utty, dep xabarlaidy "Ult aqparat".
Boka-Ratonede (AQSh, Florida shtaty) qalasynda ótken 12 raýndtyq jekpe-jekte Qanat Islam qarsylasynan basym tústi. Osy jeńisiniń arqasynda otandasymyz birinshi orta salmaqtaǵy WBO NABA jáne WBA Intercontinental titýldaryn jeńip aldy. Bul Qanattyń kásibi bokstaǵy 24-shi jeńisi.
Aita keteiik, boxrec.com saity Qanattyń meksikalyq Norberto Gonsaleske qarsy jekpe-jeginiń deńgeiin 3 juldyzǵa baǵalady. boxRec portalynyń álemdik reitinginde Qanat birinshi orta salmaqta 55 upaimen 55-orynda turǵan bolsa, Gonsales 59 upaimen 46-orynda turǵan bolatyn. Bul Qanattyń alǵashqy 3 juldyz deńgeiindegi jekpe-jegi.
Osy boks keshinde taǵy bir qazaqstandyq boksshy Janqosh Turarov (56 kg) meksikalyq qarsylasy Gýstavo Garibaidy úshinshi raýndta nokaýtpen jeńdi. Bul - Turarovtyń 21-jeńisi. Ol da barlyq kezdesýde jeńiske jetip keledi.
