Halyqaralyq boks federatsiiasy (IBF) barlyq salmaq dárejesindegi boksshylardyń kezekti ai saiynǵy reitingin jariialady, dep habarlaidy Sports.kz.
Ótken aida reitingte usynylǵan jalǵyz qazaqstandyq boksshy birinshi orta salmaqtaǵy WBO-NABO jáne WBA Intercontinental belbeýleriniń iegeri Qanat Islam (25-0, 20 KO) boldy. Jańartylǵan reitingke «Qazaq» kirmei qalǵan.
Budan buryn bizdiń otandasymyz WBC, WBO jáne WBA «úzdiginen» shyǵyp qalǵan edi. Osylaisha, Qanat engen jalǵyz uiym IBO bolyp tur. Alaida, ol kásibi bokstyń negizgi bekitilgen organdarynyń qataryna kirmeidi.
Qanat Islam sońǵy ret ringke bir jyl buryn - 2017 jyldyń 9 qyrkúieginde shyqty. Ol Astanadaǵy basty boks keshinde kanadalyq Brendon Kýkti (20-1, 13 KO) tehnikalyq nokaýtpen jeńgen edi.
