Qazaqstanda kanaldar arqyly sý berýdiń jańa tarifi bekitildi. Bul týraly Ekologiia ministrligi habarlady.
1 mamyrdan bastap Qazaqstanda arnalar arqyly sý berýdiń ortasha ótkizý tarifi 1,826 teńge/m3-ten 2,057 teńge/m3-ge deiin, onyń ishinde ózdiginen aǵatyn sý beretin aýyl sharýashylyǵy taýaryn óndirýshiler úshin 0,376 teńge/m3-den 0,66 teńge/m3-ge deiin ulǵaiady.
QR UEM Tabiǵi monopoliialardy retteý komiteti departamentiniń tiisti Buiryǵy 1 mamyrda kúshine enedi.
Esterińizge sala keteiik, QR Ekologiia, geologiia jáne tabiǵi resýrstar ministrligi Sý resýrstary komitetiniń «Qazsýshar» RMK arnalar arqyly sý berýge arnalǵan tariftiń ádil deńgeiin belgileý týraly usynysqa bastama jasaǵan bolatyn.
Qazaqstandaǵy jer ústi kózderinen arnalar arqyly sý berý tarifteri (sý tarifteri) irrigatsiia úshin sýmen jabdyqtaý júielerin paidalanýǵa jáne olarǵa tehnikalyq qyzmet kórsetýge jumsalatyn barlyq shyǵyndardy jabý úshin jetkiliksiz jáne aýyl sharýashylyǵyndaǵy óndiristik shyǵyndardyń eleýsiz bóligin ǵana quraidy. Máselen, sýdyń ortasha aǵymdaǵy quny negizgi aýyl sharýashylyǵy daqyldaryn óndirýge jumsalatyn shyǵyndardyń 1% - nan kemin quraidy.
Sonymen qatar, qarajattyń jetispeýshiliginen infraqurylymnyń nasharlaýy sýdyń kóp mólsherde joǵalýyna ákelýde. Aýyl sharýashylyǵynda shyǵyndar 45% jetedi.
Sondai-aq, tarif belgileýdiń qazirgi qurylymy, ásirese aýyl sharýashylyǵynda, sý resýrstaryn tiimdi paidalanýdy yntalandyrmaidy. Tarif sońǵy tutynýshyǵa sýdyń ekonomikalyq qundylyǵy bar ekenin jáne ony utymdy bólý jáne paidalaný kerektigin kórsetýi kerek.
Osylaisha, sýdy paidalanýdyń tiimdiligin arttyrý, ony únemdeýge yntalandyrý jáne tiisti paidalaný, tehnikalyq qyzmet kórsetý jáne aýyl sharýashylyǵyndaǵy infraqurylymdy bolashaqta damytý úshin jetkilikti túsimderdi qamtamasyz etý maqsatynda QR Úkimetiniń 2018 jylǵy 28 jeltoqsandaǵy № 904 qaýlysymen bekitilgen sýarmaly jerlerdi damytý jónindegi is-sharalar josparynda sýarmaly sýdy berý tarifin 10 jyl ishinde aýyl sharýashylyǵy taýaryn óndirýshiler shyǵyndarynyń úlesi 4% - ǵa deiin birtindep jetkizý aiqyndalǵan.
