قازاقستاندا كانالدار ارقىلى سۋ بەرۋدٸڭ جاڭا تاريفٸ بەكٸتٸلدٸ. بۇل تۋرالى ەكولوگييا مينيسترلٸگٸ حابارلادى.
1 مامىردان باستاپ قازاقستاندا ارنالار ارقىلى سۋ بەرۋدٸڭ ورتاشا ٶتكٸزۋ تاريفٸ 1,826 تەڭگە/م3-تەن 2,057 تەڭگە/م3-گە دەيٸن, ونىڭ ٸشٸندە ٶزدٸگٸنەن اعاتىن سۋ بەرەتٸن اۋىل شارۋاشىلىعى تاۋارىن ٶندٸرۋشٸلەر ٷشٸن 0,376 تەڭگە/م3-دەن 0,66 تەڭگە/م3-گە دەيٸن ۇلعايادى.
قر ۇەم تابيعي مونوپولييالاردى رەتتەۋ كوميتەتٸ دەپارتامەنتٸنٸڭ تيٸستٸ بۇيرىعى 1 مامىردا كٷشٸنە ەنەدٸ.
ەستەرٸڭٸزگە سالا كەتەيٸك, قر ەكولوگييا, گەولوگييا جەنە تابيعي رەسۋرستار مينيسترلٸگٸ سۋ رەسۋرستارى كوميتەتٸنٸڭ «قازسۋشار» رمك ارنالار ارقىلى سۋ بەرۋگە ارنالعان تاريفتٸڭ ەدٸل دەڭگەيٸن بەلگٸلەۋ تۋرالى ۇسىنىسقا باستاما جاساعان بولاتىن.
قازاقستانداعى جەر ٷستٸ كٶزدەرٸنەن ارنالار ارقىلى سۋ بەرۋ تاريفتەرٸ (سۋ تاريفتەرٸ) يرريگاتسييا ٷشٸن سۋمەن جابدىقتاۋ جٷيەلەرٸن پايدالانۋعا جەنە ولارعا تەحنيكالىق قىزمەت كٶرسەتۋگە جۇمسالاتىن بارلىق شىعىنداردى جابۋ ٷشٸن جەتكٸلٸكسٸز جەنە اۋىل شارۋاشىلىعىنداعى ٶندٸرٸستٸك شىعىنداردىڭ ەلەۋسٸز بٶلٸگٸن عانا قۇرايدى. مەسەلەن, سۋدىڭ ورتاشا اعىمداعى قۇنى نەگٸزگٸ اۋىل شارۋاشىلىعى داقىلدارىن ٶندٸرۋگە جۇمسالاتىن شىعىنداردىڭ 1% - نان كەمٸن قۇرايدى.
سونىمەن قاتار, قاراجاتتىڭ جەتٸسپەۋشٸلٸگٸنەن ينفراقۇرىلىمنىڭ ناشارلاۋى سۋدىڭ كٶپ مٶلشەردە جوعالۋىنا ەكەلۋدە. اۋىل شارۋاشىلىعىندا شىعىندار 45% جەتەدٸ.
سونداي-اق, تاريف بەلگٸلەۋدٸڭ قازٸرگٸ قۇرىلىمى, ەسٸرەسە اۋىل شارۋاشىلىعىندا, سۋ رەسۋرستارىن تيٸمدٸ پايدالانۋدى ىنتالاندىرمايدى. تاريف سوڭعى تۇتىنۋشىعا سۋدىڭ ەكونوميكالىق قۇندىلىعى بار ەكەنٸن جەنە ونى ۇتىمدى بٶلۋ جەنە پايدالانۋ كەرەكتٸگٸن كٶرسەتۋٸ كەرەك.
وسىلايشا, سۋدى پايدالانۋدىڭ تيٸمدٸلٸگٸن ارتتىرۋ, ونى ٷنەمدەۋگە ىنتالاندىرۋ جەنە تيٸستٸ پايدالانۋ, تەحنيكالىق قىزمەت كٶرسەتۋ جەنە اۋىل شارۋاشىلىعىنداعى ينفراقۇرىلىمدى بولاشاقتا دامىتۋ ٷشٸن جەتكٸلٸكتٸ تٷسٸمدەردٸ قامتاماسىز ەتۋ ماقساتىندا قر ٷكٸمەتٸنٸڭ 2018 جىلعى 28 جەلتوقسانداعى № 904 قاۋلىسىمەن بەكٸتٸلگەن سۋارمالى جەرلەردٸ دامىتۋ جٶنٸندەگٸ ٸس-شارالار جوسپارىندا سۋارمالى سۋدى بەرۋ تاريفٸن 10 جىل ٸشٸندە اۋىل شارۋاشىلىعى تاۋارىن ٶندٸرۋشٸلەر شىعىندارىنىڭ ٷلەسٸ 4% - عا دەيٸن بٸرتٸندەپ جەتكٸزۋ ايقىندالعان.
