Kanadada daýyl men nóser saldarynan 170 myń adam jaryqsyz otyr, dep habarlaidy SVS telearnasy.
Kanadanyń shyǵysyndaǵy Kvebek jáne Ontario provintsiialarynda beisenbige qaraǵan túnde kún buzyla bastady. Jeldiń jyldamdyǵy 110 km/saǵatqa (30 m/s) deiin jetti. Daýyl júzdegen aǵashty tamyrymen qoparyp, jarnama taqtalaryn julyp áketken, elektr symdary úzilgen. Kvebektiń ońtústik jáne batys aýdandarynda 80-100 mm-ge deiin jańbyr jaýyp, kóptegen eldi mekendi sý basty.
Zardap shekkender týraly ázirge málimet joq.
Kvebek provintsiiasyndaǵy birqatar qalada, sonyń ishinde Monrealda 137 myń turǵyn úi, mektepter, dúkender, memlekettik mekemeler jaryqsyz qaldy. Ontarionyń shyǵysynda 32 myń adam elektrden qol úzip qaldy.
Eki óńirdiń energiiamen qamtamasyz etýshi kompaniialary apattyq brigadalar elektr jelisin qalpyna keltirip jatqanyn málimdedi. Biraq qashan jaryq beriletini ázirge belgisiz bolyp otyr.
