Politsiianyń málimetinshe, demalysta Kanadanyń Jańa Shotlandiia provintsiiasyndaǵy atystan mert bolǵan adamdardyń sany 19-dan 23-ke deiin kóbeidi.
Bul – qazirgi Kanada tarihyndaǵy eń qorqynyshty oqiǵalardyń biri. Politsiia shabýyl jasaǵan adamdy 14 caǵat boiy qarýsyzdandyrmaq boldy.
Qurban bolǵandar arasynda 17 jastaǵy jasóspirim bar. Buǵan deiin politsiia Jańa Shotlandiia provintsiiasynda óltirilgen adamdardyń barlyǵy eresek dep sanaǵan, dep habarlaidy VVS agenttigi.
Qylmystyń sebebi anyqtalǵan joq. Shabýyl jasaǵan er adamnyń qurban bolǵandardyń keibireýlerin tanyǵany habarlandy.
Adamdarǵa oq jaýdyrǵan 51 jastaǵy er adam politsiia qolynan qaza tapty.
Jańa Shotlandiia provintsiiasynyń koroldik at ústindegi politsiiasy seisenbi kúni jasaǵan málimdemesinde shabýyldan qaitys bolǵan adamdardyń naqty sanyn atap, oqiǵanyń hronologiiasyn baiandap berdi.
Politsiia buǵan deiin qurban bolǵan adamdardyń sany odan da kóp bolýy múmkindigin eskertken edi, sebebi olar Jańa Shotlandiianyń soltústik jáne ortalyq bólikterinde bolǵan 16 qylmys ornyn qarap shyqty.
Tártip saqshylarynyń jumysyna órt kedergi bolǵan. Politsiianyń málimetinshe, shabýyldaýshy adam deneleri qalýy múmkin shamamen bes úidi órtep jibergen.
Isti tolyq tergeýge birneshe ai ýaqyt ketýi múmkin.
Aita keteiik, osyǵan deiin Kanadada belgisiz bireýdi 13 adamdy atyp óltirgeni habarlanǵan edi.
