Kanadadaǵy barlyq temirjol jolaýshylar tasymaly belgisiz merzimge deiin toqtatyldy. Oǵan baiyrǵy halyqtardyń qarsylyq sharasy sebep boldy, dep habarlaidy VIA Rail Kanada jolaýshylar poiyzy operatory.
Toronto men Ottava, sonymen qatar Monreal arasyndaǵy temirjol qatynasyna ótken beisenbiden beri tiendinaga-mogavk úndis halqynyń ókilderi kedergi keltirip jatyr. Osy arqyly olar Britandyq Kolýmbiia provintsiiasyndaǵy jerlerinde qubyrjol salynýyna qarsy shyǵyp jatqan vetsýveten taipasyna qoldaý kórsetken.
Ontario provintsiiasy Belvil qalasyndaǵy temirjol mańyna lager qurǵan úndis taipalary eldiń batysy men shyǵysyn bailanystyratyn jalǵyz temirjol qatynasyn toqtatyp tastady. CN temirjol kompaniiasynyń vagondardy ornalastyratyn bos orny bolmaǵandyqtan Torontodan shyǵysqa júretin barlyq poiyzdardyń qozǵalysy toqtatyldy. Keleńsiz oqiǵa ekonomikaǵa úlken shyǵyn ákelýi múmkin. Óitkeni, kompaniianyń málimeti boiynsha, CN jyl saiyn 250 mlrd dollardan asa taýar tasymaldaidy.
